ნორჩი დინამოს აკადემიას საქართველოს ნაკრების ექსფორვარდი გიორგი დემეტრაძე გაუძღვება

გიორგი დემეტრაძე "ნორჩი დინამოს" საფეხბურთო აკადემიას უხელმძღვანელებს - ინფორმაციას ამ აკადემიისს ბაზაზეც შექმნილი თბილისის "მერანის" ოფიციალური გვერდი ავრცელებს.

გუნდმა ეროვნულ ლიგაში ასპარეზობის უფლება მოიპოვა და მომავალი თაობების აღზრდაზე სერიოზული ფიქრი დაიწყო. ამით არის ნაკარნახევი "ნორჩი დინამოს" ბავშვთა აკადემიას მისივე აღზრდილი, გიორგი დემეტრაძე რომ უხელმძღვანელებს. საქართველოს ნაკრების ყოფილი თავდამსხმელი "მერანთან" ინფრასტრუქტურული პროექტების მიმართულებითაც აქტიურად ითანამშრომლებს.

კლუბი თბილისსა და მის მიმდებარე დაბებსა თუ სოფლებში ამ კუთხით სერიოზულ მუშაობას გეგმავს. პროექტების განხორციელების იდეის ავტორი და სულისჩამდგმელი მამუკა კვარაცხელიაა - საქართველოს ფეხბურთის ფედერაციის სტადიონების განყოფილების უფროსი.

"მერანი" ლილოში ახალი სტადიონის აშენებას რომ აპირებს, "ლელომ" ეს უკვე გაცნობათ. მანამდე კი, ეროვნულ ლიგაში დაწინაურებული თბილისური გუნდი საშინაო მატჩებს მიხეილ მესხის სათადარიგო მოედანზე ჩაატარებს.

1238
მკითხველის კომენტარები / 0 /
მსგავსი ამბები
რუბრიკის სხვა სიახლეები
;