ოვერტაიმი და... საკანდელიძე-ქორქიას მემორიალი "რუსთავმა" მოიგო

"რუსთავი" პირველად გახდა საკანდელიძე-ქორქიას მემორიალის გამარჯვებული. ანატოლი ბოისას გაწვრთნილმა გუნდმა ქუთაისის სპორტის სასახლეში გამართულ ფინალურ მატჩში "კაკტუსის" წინააღმდეგობის დაძლევა ოვერტაიმში მოახერხა და დაძაბულ შეხვედრაში 89:86 გაიმარჯვა. 

კაკტუსი
86
რუსთავი
89
25:25, 8:22, 27:14, 20:19, 6:9 (დ.დ.)
კაკტუსი: დევისი (31ქ), ევერეტი (5ქ), ზავადსკი (16ქ, 6მ), ჭოჭუა (14ქ), გოგალაძე, სიხარულიძე, ამონაშვილი, ბეშქენაძე, უილიამსი (20ქ, 9მ), დვალი
რუსთავი: ცეკვავა (14ქ), ლონდარიძე (11ქ), ლივინგსტონი (14ქ, 10მ, 6პ), ტადიჩი (6ქ, 8მ), ლობჯანიძე (25ქ), ბოქოლიშვილი, ვაშაკიძე, დვალიშვილი (17ქ, 11მ)
მსაჯები: მაკა კუპატაძე, მიხეილ ვართანოვი, კირილე თვაური

 მატჩის პირველი ტაიმის მიმდინარეობისას რუსთაველები 21 ქულიანი უპირატესობით იგებდნენ (56:35) და საქმეს ისეთი პირი უჩანდა, გამარჯვება იოლად უნდა ეზეიმათ, მაგრამ როგორც ჩანს, გამარჯვება ნაადრევად ირწმუნეს, შეცდომებს უხშირეს... მართალია, პირველი ტაიმი 13 ქულინი უპირატესობით მოიგეს, მაგრამ, დიდი შესვენების შემდეგ, "კაკრუსს" მეორე სუნთქვა გაეხსნა და შეუძლებელი შეძლო, 23:0 გაქცევის შემდეგ არჩილ ჟღენტის შეგირდები 2 ქულით დაწინაურდნენ, მაიკლ დევისის სამქულიანის შემდეგ ანგარიში - 58:56 გახდა. შეხვედრა ქულა-ქულაში გაგრძელდა.

გადამწყვეტი მეოთხედის წინ ანგარიში 61:60 იყო "რუსთავის" სასარგებლოდ.

ძირითადმა დრომ გამარჯვებული ვერ გამოავლინა (80:80) და შეხვედრა ოვერტაიმში გადავიდა. აქ რუსთაველებმა უფრო იყოჩაღეს, გადამწყვეტ მომენტში გიორგი დვალი საბა ლობჯანიძეზე დაჯარიმდა და დაზარალებულმა სამივე საჯარიმო ზუსტად შეასრულა, მაიკლ დევისმა ჯარიმებითვე შეამცირა სხვაობა - 86:87, რამდენიმე ორმხრივი უშედეგო შეტევის შემდეგ ლობჯანიძემ მატჩის დასრულებამდე 2 წამით ადრე კიდევ ორი საჯარიმო გამოიყენა და მატჩის ბედიც გადაწყვიტა.

რუსთაველებს 25 ქულით საბა ლობჯანიძემ ულიდერა. 17 ქულითა და 11 მოხსნით ორმაგი დუბლი შეასრულა აკაკი დვალიშვილმა, 14-14 ქულა დააგროვეს გიორგი ცეკვავამ და დენზელ ლივინგსტონმა. "კაკტუსის" რიგებში საუკეთესო 31 ქულით მაიკლ დევისი გახლდათ. 20 ქულა და 9 მოხსნა მიითვალა ბრაიან უილიამსმა.

მატჩის შემდეგ გაიმართა დაჯილდოების ცერემოანიალი. საუკეთესო გუნდისთვის განკუთვნილი პრიზი "რუსთავის" მწვრთნელმა ანატოლი ბოისამ ჩაიბარა.

საუკეთესო ფორვარდად საბა ლობჯანიძე დასახელდა. საუკეთესო უკანახაზელისთვის დაწესებული პრიზი მაიკლ დევისს გადაეცა.

საჩემპიონო თასი რუსთაველებს კალათბურთის ფედერაციის პრეზიდენტმა პაატა გურასპაულმა გადასცა.

გივი ბიჭიაშვილი და საბა ლობჯანიძე

ნოდარ ქორქია და მაიკლ დევისი

493
მკითხველის კომენტარები / 0 /
მსგავსი ამბები
რუბრიკის სხვა სიახლეები
;