ოთარ გაბელია: ჩვენი ფეხბურთელები ამაზე უკეთესს ცხოვრებაში ვერაფერს შეძლებენ!

ევრო 2020-ის საკვალიფიკაციო ეტაპის პლეი ოფის წილისყრის შესახებ საკუთარი პოზიცია დაასიქსირა ოთარ გაბელიამ, თბილისის "დინამოს" ვეტერანმა მეკარემ:

"წილისყრის შედეგად ევროპის ჩემპიონატზე მოხვედრის მშვენიერი შანსი გაგვიჩნდა, რომელიც აუცილებლად უნდა გამოვიყენოთ და ევროპის ჩემპიონატზე მოვხდეთ. დარწმუნებული ვარ, რომ ფეხბურთელებს ეს პასუხისმგებლობა გაცნობიერებული ექნებათ და არაფრის ახსნა არ დასჭირდებათ - ისინი თავადაც კარგად ხვდებიან, ეს რა შესაძლებლობაა - მათ საშვილიშვილო საქმე უნდა გააკეთონ და საქართველოს დროშა მაღლა ააფრიალონ. ამაზე უკეთესს ისინი ცხოვრებაში ვერაფერს შეძლებენ და უბედნიერესი ვიქნები, ამას რომ მოვესწრო. დამოუკიდებლობის პერიოდში ევროპის ჩემპიონატზე მოხვედრის ასეთი შანსი არასოდეს გქვონია და არავინ იცის, კიდევ როდის მოგვეცემა".

ოთარ გაბელიამ მეტოქეებზეც ილაპარაკა: "აუცილებელია, რომ ეს ისტორიული შანსი გამოვიყენოთ და ჯერ ბელარუსი დავამარცხოთ, მერე კი მაკედონია-კოსოვოს წყვილში გამარჯვებული. სუსტი მეტოქე არც ერთი გუნდია არაა, არც ჩვენი უშუალო მეტოქე ბელარუსი და არც არც მაკედონია და კოსოვო. საამისოდ, ამ მატჩებისთვის ძალიან სერიოზულად უნდა მოვემზადოთ და ფეხბურთელები ჯანმრთელად უნდა იყვნენ".

2203
მკითხველის კომენტარები / 0 /
მსგავსი ამბები
რუბრიკის სხვა სიახლეები
;