ოთარ კიტეიშვილი: ავსტრიის ჩემპიონატი ივნისში უნდა დასრულდეს

ავსტრიის ფეხბურთის ფედერაციამ ოფიციალურად დაადასტურა, რომ ავსტრიაში სეზონის 2 ივნისს განახლდება - გუნდებმა კი მზადება თითქმის სამი კვირაა დაიწყეს, მათ შორის, ოთარ კიტეიშვილმა.

ავსტრიის ბუნდესლიგის გახლებაზე საქართველოს ნაკრებისა და გრაცის „შტურმის“ 23 წლის ნახევარმცველმა საქართველოს პირველი არხის გადაცემა „ტაიმაუტში“ ილაპარაკა და გახარებულია, რომ ფეხბურთი ბრუნდება.

კორონავირუსის პერიოდში, ავსტრია სხვა ქვეყნებთან შედარებით უკეთესი მდგომარეობაში იყო და გუნდებმა ვარჯიში სხვა ევროპულ ქვეყნებთან შედარებით ადრე დაიწყეს. მაგრამ სეზონის დაწყებას აყოვნებდნენ.

„არავინ იცოდა, რა მოხდებოდა, სეზონის განახლების დროს რომელიმე ფეხბურთელი თუ დაინფეცირდებოდა. ახლა ოფიციალური ინფორმაცია ამაზეც არის: თუ მოთამაშეს ვირუსი დაუდგინდა, მხოლოდ ის გადავა კარანტინში, ხოლო დანარჩენები ვარჯიშსაც და თამაშსაც ჩვეულებრივ გააგრძელებენ. მაგრამ ისიც სახლში უნდა იყვნენ და გარე სამყაროსთან კონტაქტს მოერიდონ“ - ამბობს ოთარ კიტეიშვილი.

მისი თქმით, სეზონის განახლების შემდეგ თამაშები მჭიდრო გრაფიკით გაიმართება: „სამი კვირაა, რაც 5-6-კაციან ჯგუფებად ვვარჯიშობდით. მაგრამ მხოლოდ დღეს შევიტყვეთ, რომ სეზონი აუცილებალდ განახლდება. ეს ძალიან სასიხარულო ინფორმაციაა. კოვიდ-19-ის პაუზის შემდეგ პირველი თამაში თვის ბოლოს გაიმართება და თასის ფინალი ჩატარდება. ამის შემდეგ რამდენიმე დღეში კი ჩემპიონატის განახლდება, მატჩები კი ყოველ 3-4 დღეში ჩატარდება, რადგან ჩემპიონატი ივნისის ბოლომდე უნდა დასრულდეს “

471
მკითხველის კომენტარები / 0 /
მსგავსი ამბები
რუბრიკის სხვა სიახლეები
;