ოთარ კობახიძე თბილისის ლოკომოტივში ითამაშებს

მამუკა კობახიძემ თბილისის "ლოკომოტივი" დატოვა, მაგრამ 2018 წელს ამ კლუბში "კობახიძე" მაინც ითამაშებს.

საქმე ისაა, რომ ზურაბ დავითაშვილის, თემურ შონიასა და დავით ჯიქიას შემდეგ, "ლოკომოტივს" კიდევ ერთი ახალწვეული ჰყავს - თბილისურ გუნდში კარიერას ოთარ კობახიძე გააგრძელებს.

კლუბის პრესსამსახურის ცნობით, 21 წლის თავდამსხმელმა უკვე გაიარა სამედიცინო შემოწმება და კონტრაქტიც გააფორმა. კობახიძემ "ლოკომოტივს" კარიერა მინიმუმ 2 წლით დაუკავშირა - ის ახალ გუნდში 2019 წლის ბოლომდე ითამაშებს.

კობახიძე დიდ ფეხბურთში ლადო ბურდულის დროინდელ ბოლნისის "სიონში" გამოჩნდა და გულშემატკივებს თავი კარგადაც დაამახსოვრა - სწრაფი და აგრესიული შემტევი გუნდისთვის სასარგებლო მოთამაშედ იქცა.

მან ბოლნისში 2 სეზონი გაატარა. მაგრამ მერე დაშავდა და ტრავმის გამო დიდი დრო გაუცდა.

ამის გამო, 2017 წლის მეორე ნახევარში ფორმის აღსადგენად ლიგა 3-ის "შევარდენში" ითამაშა და გუნდს ეროვნულ ლიგა 2-ში გადასვლაში დაეხმარა.

ყოველდღიური სპორტული გაზეთი "ლელო"
1704
მკითხველის კომენტარები / 0 /
მსგავსი ამბები
რუბრიკის სხვა სიახლეები
;