ოთარ ფხაკაძე დელტას ღირსებას დაიცავს

"დელტა" ახალი სეზონისთვის ემზადება. ახალი მწვრთნელით (ლექსო ლაფანაშვილი). ახალი მოტივაციით. ახალი მოთამაშეებით. შემადგენლობა ჯერ უნდა შეიკრას და სელექციის პროცესში უკვე არის რამდენიმე სიახლე.
პირველი ახალი მოთამაშე - ოთარ ფხაკაძე (188 სმ, შარშან - 6.8 ქულა, 3.7 პასი).

გამთამაშებელი, რომელსაც საქართველოს ეროვნულ ნაკრებში აქვს მიღებული გამოცდილება. ფხაკაძე კარგი პირველი ნომერია. ნორმალური დაცვით, კარგი პასით და გაუმჯობესებული სელექციით სროლის დროს. შარშან, ოთარი "მგზავრებში" იყო. შარშან, ფხაკაძემ გუნდთან ერთად მესამე ადგილი დაიტოვა.

ვესაუბრებით ფხაკაძეს.

"დელტაზე".

ოთარ ფხაკაძე: "დელტაში" ახალი გამოწვევა იქნება. განვითარების, წინსვლის შანსი. ახალი შესაძლებლობები. ეს არის მოტივაცია და ყველა მოთამაშისთვის მოტივაცია, ლტოლვა, პროგრესი მნიშვნელოვანია."

ახალ მწვრთნელზე.
ო.ფ: "ლექსოს კარგად ვიცნობ. ვისაუბრეთ. მომწონს მისი გეგმები, შემართება. რთული და საინტერესო სეზონი იქნება. ერთმანეთს უნდა დავეხმაროთ."

რატომ "დელტა"?
ო.ფ: "ახალი გამოწვევა ყოველთვის საინტერესოა. "დელტას" ხელმძღვანელებს აქვთ გეგმები. კლუბის განვითარების, თამაშის ხარისხის გაუმჯობესების გეგმები. მე ეს მომწონს და მინდა მადლობა გადავუხადო კლუბს ნდობისთის."

რას მიიღებს "დელტა" თქვენგან?
ო.ფ: "მშრომელ, შედეგიან, მოტივირებულ მოთამაშეს. გუნდთან ერთად მინდა ბევრი თამაშის მოგება. მჯერა, რომ ეს შესაძლებელი იქნება. მე გუნდური მოთამაშე ვარ. ვეცდები, რომ კლუბი ჩემი კალათბურთით, დამოკიდებულებით კმაყოფილი დარჩეს. ველოდები სეზონს."

ფხაკაძე ინდივიდუალურად ქუთაისში ვარჯიშობს. ძალიან მალე, მისი და კიდევ რამდენიმე მოთამაშის პრეზენტაცია იქნება.

"დელტას" პრესსამსახური.

846
მკითხველის კომენტარები / 0 /
მსგავსი ამბები
რუბრიკის სხვა სიახლეები
;