ოთხი წონა - მეოთხე ოქრო: კირაკოზაშვილიც ჩემპიონია!

თამაზ კირაკოზაშვილი (81) თბილისის გრანპრის ჩემპიონი გახდა, რაც მისთვის პირველი, ჩვენი ნაკრებისთვის კი მეოთხე ოქროს მედალია. ფინალური შეხვედრის დასრულებამდე 2.11 წუთით ადრე მან პორტუგალიის სახელით მოჭიდავე ანრი ეგუტიძე შებოჭა.

ამავე წონაში საქართველოს ძიუდოისტ ვაჟთა ნაკრებს მორიგი ბრინჯაო ევროპის ორგზის ფინალისტმა ნუგზარ ტატალაშვილმა მოუტანა.

გადამწყვეტ შეხვედრაში მან თანაგუნდელი კობა მჭედლიშვილი დაამარცხა, რომელიც მარტივად გამოცერა უკნიდან და პირდაპირ იპონზე დააგდო.
მჭედლიშვილი უდაოდ, ნიჭიერი და კარგი სპორტსმენია, მაგრამ ტატალაშვილმა უფრო გამოცდილებით აჯობა.

შეხვედრა მჭედლიშვილმა აქტიურად დაიწყო და გაფრთხილება მიაღებინა ტატალაშვილს, თუმცა ამან პირველივე შანსი დიდოსტატურად გამოიყენა.

ამდენად, ტურნირზე ორი დღის შემდეგ გათამაშებული ოთხივე ოქროს მედალი ჩვენმა ვაჟებმა მოიპოვეს, რასაც 2 ვერცხლი და 3 ბრინჯაო დაუმატეს, საქართველოს გაერთიანებულ გუნდს კი მე-10 მედალი გოგოების ნაკრებმა შეჰმატა.

ჩვენი ნაკრები გუნდური ჩათვლის ლიდერია.

948
მკითხველის კომენტარები / 0 /
რუბრიკის სხვა სიახლეები
;