ოთხი 1 და ორი 2... ზაზა ფაჩულიას 'დეტროიტი' საპლეიოფო ზონას დაუბრუნდა

ზაზა ფაჩულიას "დეტროიტ პისტონსმა" ზედიზედ მეოთხე მატჩი მოიგო და საპლეიოფო ზონას დაუბრუნდა. მას 26 მოგება, 29 წაგება აქვს და აღმოსავლეთის კონფერენციაში მერვე ადგილზეა.

"პისტონსმა" "ვაშინგტონს" უმასპინძლა და ერთიან-ორიანებში იტრიალა - 121:112. 

მწვრთნელმა დუეინ კეისიმ ანდრე დრამონდი და ბლეიქ გრიფინი ბოლომდე დატვირთა, პირველმა 36 წუთი ითამაშა, მეორემ - 40. სტატისტიკაც შესაბამისი ჰქონდათ: ანდრემ 32 ქულას 17 მოხსნა მიამატა, ბლეიქმა - 31 ქულა ჩააგდო.

შესაბამისად სათამაშო დრო შეუმცირდა ზაზა ფაჩულიას, რომელმაც 7 წუთში 2-დან 2 ორქულიანი ჩააგდო, 4 ქულას თან ერთად თითო მოხსნა-პასი ჩაიწერა.

"პისტონსს" მომდევნო მატჩი 14 თებერვალს, სტუმრად "ბოსტონ სელტიკსთან" ელის.

594
მკითხველის კომენტარები / 0 /
მსგავსი ამბები
რუბრიკის სხვა სიახლეები
;