[ოთხშაბათის საკითხავი] რა ვუშველოთ ეროვნულ ჩემპიონატს?!

საქართველოს ეროვნულმა ნაკრებმა ერთა ლიგის ჯგუფი მოიგო და ევროპის ჩემპიონატის ფინალური ეტაპისკენ ძალუმად მიიწევს. ძალიან კარგია, გვიხარია და ტაშს ვუკრავთ, მაგრამ ქართული ფეხბურთი ვერაფრით იქნება მხოლოდ სანაკრებო წარმატება...

ასაკობრივ ნაკრებებზე უკვე დავწერეთ, ახლა კი ჩვენი ფეხბურთის კიდევ ერთ, ძალიან დიდ პრობლემაზე ვილაპარაკოთ. ეროვნული ჩემპიონატი ვერაფრით ხდება უკეთესი, არადა, დრო მიდის და მას ვერაფერი შეაჩერებს.

პრობლემა კი იგივე რჩება - კერძო სექტორს ქართულ ფეხბურთში ფულის ჩადება არ სურს. სულელი უნდა იყო, ამაში პირდაპირ დაადანაშაულო ქართული ფეხბურთის მმართველები, მაგრამ...

ქართული კლუბების სათავეში ახლა ისეთი ხალხია, მათი უმეტესობის მიერ მოძიებული სპონსორი არ გაიშვა! მე ასე მგონია: ამ ხალხს ათი წელიც რომ აცადო, ვერაფერს იპოვიან იმ უბრალო მიზეზის გამო, რომ მათ არც ბიზნესის საფუძვლები იციან და არც ის, როგორ ეძებონ.

აგერ, მერამდენე წრეზე მიდის ფეხბურთის განვითარების სახელმწიფო პროგრამა და ახალ სპონსორებს რაღაც ვერ ვხედავ ჩვენს ფეხბურთში. ერთადერთი, ჩინელები ხარჯავენ ფულს ქუთაისის "ტორპედოში" და ძალიანაც კარგი. სხვა მხრივ, სიტუაცია ისეთია, როგორიც ადრე იყო - არის რომან ფიფია, არის თბილისის "დინამო" და მორჩა.

[ოთხშაბათის საკითხავი] რა ვუშველოთ ეროვნულ ჩემპიონატს? - მათ უმეტესობის მიერ მოძიებული სპონსორი არ გაიშვა

საქართველოს ფეხბურთის ფედერაციის სასარგებლოდ ვერაფრით მეტყველებს ის, რომ ამდენი წლის განმავლობაში თუნდაც ერთ კერძო ბიზნესმენს არ გაუჩნდა ჩვენს ფეხბურთში ფულის დაბანდების სურვილი. გვესმის, ეს არ არის ფედერაციის პირდაპირი ამოცანა, მაგრამ მისი მოვალეობაა, ისეთი გარემო შექმნას ქართულ ფეხბურთში, რომ ინვესტორს ფულის ჩადება მოუნდეს.

სანამ ორი-სამი ინვესტორი მაინც არ გამოჩნდება ჩვენს საკლუბო ფეხბურთში, მანამდე საუბარი და წერა ჩვენი ფეხბურთის პროგრესზე, გნებავთ, უკეთეს მომავალზე, უადგილოდ გვეჩვენება.

ეს არის უახლოესი ამოცანა, არადა, მოხდება ის, რაც ადვილად სავარაუდოა - შეიჭმება ფეხბურთისთვის სახელმწიფოს მიერ გამოყოფილი ფული და ხელში არაფერი შეგვრჩება.

სპონსორების საკითხი იმდენად მნიშვნელოვანია, რომ მივესალმებოდით ფეხბურთის ფედერაციის ხელმძღვანელობის პირდაპირ ჩართულობასაც კი, თორემ კლუბების უმრავლესობაში ამის გამკეთებელი არავინ არის.

ჯერჯერობით, სხვა გზა არ არის. ახლა ყველაზე საშური და მნიშვნელოვანი ეს არის - შეიქმნას გარემო და პირობები იმისთვის, რომ ჩვენი ფეხბურთი ბიზნესისთვის საინტერესო გახდეს.

ყოველდღიური სპორტული გაზეთი "ლელო"
1320
მკითხველის კომენტარები / 4 /
ილარიონი
0
განა ისეთი რა დავწერე რომ ორივე კომენტარი დაბლოკეთ
ვეტერანი
0
კონცეფცია დიდი ხანია
სხცა თამაშისათვის მაქვს გაკეთებული. ფედერაციას
დაანებეთ თავი, თქვენ გამოაცხადეთ კონკურსი და
გულშემატკივარმა შეაფასოს,
სპეციალისტებმა გათვალონ
ეკონომიკურად, რომელი უფრო
უკეთესი იქნება და ის შევთავაზოთ. დიდი სიამოვნებით წარმოვადგენ
ჩემს ნაშრომს.
სინამდვილეში არა თუ კონკურსის გამომცხადებელი
ამ კომენტარის გამშვებიც კი
არა ხართ.
მსგავსი ამბები
რუბრიკის სხვა სიახლეები
;