კუნძულ ოკინავაზე ტოჩინოშინმა 8-დან 8 მოიგო

ზამთრის ჯუნგიოზე (ტურნე) წარმატებით გამოდის ოძეკი ტოჩინოშინი (ლევან გორგაძე).

ზამთრის ტურნეს მე-13 დღეს "სუმოს ქარავანი" იაპონიის სამხრეთში - კუნძულ ოკინავაზე გაჩერდა. 20-გრადუსიან სითბოში სუმოისტებმა სული მოითქვეს, ოკინავას პლაჟებზე ცოტა დაისვენეს და ერთდღიანი ტურნირიც გამართეს.

ტურნირში მონაწილეობას იოკოძუნებიდან და ოძეკებიდან მხოლოდ ტოჩინოშინი იღებდა. ფავორიტმა გაამართლა თავისი სტატუსი და პრიზიც დაიმსახურა.
მეორე დღეს მან საჩვენებელ ბრძოლებში 8-დან 8 ორთაბრძოლა მოიგო. ტოჩინოშინმა ასანოიამა და კაგაიაკი დაამარცხა.

შეგახსენებთ, რომ 25 დეკემბერს სუმოს ახალი რეიტინგი გამოცხადდება, ხოლო 2019 წლის პირველი ბაშო ტოკიოში 13 იანვარს აიღებს სტარტს.

ყოველდღიური სპორტული გაზეთი "ლელო"
2073
მკითხველის კომენტარები / 0 /
მსგავსი ამბები
რუბრიკის სხვა სიახლეები
;