ოლექსანდრ აზაცკი: ასეთი დახვედრით გახარებული ვარ!..

ოლექსანდრ აზაცკი ახალი სეზონისთვის ქუთაისის “ტორპედოში” ემზადება. 13 თებერვალს იმერული გუნდი ამხანაგურ მატჩს გამართავს ლვოვის “კარპატისთან”. შეკრების მე-8 დღეს “ტორპედომ” კვლავ ორჯერადი ვარჯიში გამართა.

გუნდთან ერთად “ტორპედოში” დაბრუნებულმა აზაცკიმაც ივარჯიშა. მცირე ტრავმის შემდეგ წვრთნა განაახლა გუნდის კაპიტანმა როინ კვასხვაძემაც. აზაცკიმ “ტორპედოს” ოფიციალურ ვებგვერდს ინტერვიუ მისცა.

“დაბრუნება ძალიან გამიხარდა. მადლობა “ტორპედოს” ხელმძღვანელობას, ეს შანსი რომ მომცა. ვეცდები, იმედები გავამართლო. ეს ჩემთვის დიდი მოტავაციაა და ბუნებრივია, ისიც მსიამოვნებს, “ტორპედოს” ფანებს ჩემი დაბრუნება რომ გაუხარდათ”, - ამბობს აზაცკი.

უკრაინელი ლეგიონერმა თავის ამჟამინდელ მდგომარეობაზეც ილაპარაკა: “პირველი შეკრება ოსტრავას “ბანიკთან” ერთად გავიარე და მშვენიერ კონდიციებში ვარ. თავს კარგად ვგერძნობ და ვეცდები, მაქსიმალურად დავიხარჯო. მეორე შეკრებაზეც კარგად უნდა ვიმუშავო”.

აზაცკიმ თანაგუნდელების დახვედრაზეც ილაპარაკა: “გუნდში ყველა ძალიან კარგად დამხვდა, რაც ძალიან მახარებს. ძალიან პოზიტიური შეხვედრა იყო, ყველაფერმა კარგად ჩაიარა”.

ყოველდღიური სპორტული გაზეთი "ლელო"
891
მკითხველის კომენტარები / 0 /
მსგავსი ამბები
რუბრიკის სხვა სიახლეები
;