ოლიმპიადის გადატანის მიზეზი ჯერ არ ჩანს

საერთაშორისო ოლიმპიურმა კომიტეტმა გამოაცხადა, რომ ამ მომენტისთვის არ გეგმავს 2020 წლის ოლიმპიადის გადადებას ან გაუქმებას.

„ეს არის უპრეცედენტო სიტუაცია მთელი მსოფლიოსთვის და ჩვენ ვფიქრობთ ყველაზე, ვინც დაზარალდა ამ კრიზისის დროს. ჩვენ სოლიდარულები ვართ საზოგადოებასთან და ვაკეთებთ ყველაფერს ამ ვირუსის შესაჩერებლად. კორონავირუსის სიტუაცია გავლენას ახდენს ტოკიოს ოლიმპიადისთვის მზადების პროცესზე. მდგომარეობა ყოველდღიურად იცვლება.

„თამაშების დაწყებამდე ოთხ თვეზე მეტი რჩება, ამ ეტაპზე არ არის საჭირო არანაირი რადიკალური გადაწყვეტილებების მიღება. ნებისმიერი წინადადება დღეისთვის კონტრპროდუქტიული იქნება. საერთაშორისო ოლიმპიური კომიტეტი მოუწოდებს ყველა სპორტსმენს - რაც შეიძლება უკეთ გააგრძელოს მზადება ტოკიოს ოლიმპიური თამაშებისთვის. ამ მომენტისთვის სპორტსმენთა 57 პროცენტს აქვს მიღებული თამაშებში გამოსვლის უფლება.

საერთაშორისო ოლიმპიური კომიტეტი დარწმუნებულია, რომ მთელ მსოფლიოში მიღებული ზომები დაეხმარება კორონავირუსის შეჩერებას. ჩვენ 24 საათის რეჟიმში ვაკვირდებით სიტუაციას“, - წერია კომიტეტის განცხადებაში.

n n n

ამასობაში, საფრანგეთის ეროვნული ოლიმპიური კომიტეტის პრეზიდენტმა დენი მასელიამ საკუთარი აზრი გამოთქვა 2020 წლის ზაფხულის ოლიმპიური თამაშების დათქმულ დროში ჩატარების პერსპექტივაზე.

„თუ ჩვენ კორონავირუსის გამო მაისის ბოლომდე ვიქნებით კრიზისში, მაშინ რთული წარმოსადგენია, რომ თამაშები დროულად ჩატარდეს. თუ კორონავირუსის პანდემიის პიკი ჩაცხრება და სიტუაცია გამოსწორდება, წარმოიშვება კითხვები იმის შესახებ, ვინ უნდა მიიღოს ოლიმპიადაში მონაწილეობა. თუმცა, ჩვენ ვიპოვით ოპტიმალურ გადაწყვეტილებას“, - მოჰყავს მასელიას სიტყვები სააგენტო „როიტერს“.

ტოკიოს ოლიმპიადის ჩატარება 24 ივლისიდან 9 აგვისტომდეა დაგეგმილი.

154
მკითხველის კომენტარები / 0 /
მსგავსი ამბები
რუბრიკის სხვა სიახლეები
;