ოლიმპიზმი: WADA რუსეთს არ ცნობს

მსოფლიოს ანტისადოპინგო სააგენტოს (WADA) დამფუძნებელთა საბჭომ უარი თქვა რუსეთის ანტისადოპინგო სააგენტოს აღიარებაზე. WADA-მ კვლავ მიიჩნია, რომ რუსული ორგანიზაცია არ შეესაბამება საერთაშორისო კოდექსს და ძალაში დატოვა მისი დისკვალიფიკაცია.

ასეთი გადაწყვეტილება სეულში, მსოფლიოს ანტისადოპინგო სააგენტოს დამფუძნებელთა საბჭოს სხდომაზე მიიღეს. მიზეზი გახდა ლიცენზიის აღდგენისთვის საჭირო ორი კრიტერიუმის შეუსრულებლობა: პირველი - რუსეთის ანტისადოპინგო სააგენტომ არ აღიარა რუსეთში სახელმწიფო დონეზე სადოპინგო სისტემის არსებობა და მეორე - არ წარმოადგინა იმ სინჯებზე წვდომის ნებართვა, რომელიც მოსკოვის ლაბორატორიაში ინახება.

ბევრი ექსპერტის აზრით, WADA-ს ამგვარი გადაწყვეტილება დიდი ალბათობით ნიშნავს იმას, რომ რუსეთის ოლიმპიურ გუნდს არ დაუშვებენ 2018 წლის ზამთრის თამაშებზე.

ყოველდღიური სპორტული გაზეთი "ლელო"
696
მკითხველის კომენტარები / 0 /
მსგავსი ამბები
რუბრიკის სხვა სიახლეები