ორი ოქროს შანსი: მწითური და ძამაშვილი

სოფიაში გუშინ დაიწყო "ნიკოლა პეტროვისა და დან კოლოვის" სახელობის საერთაშორისო ტურნირი ჭიდაობის სამივე სტილში, სადაც ჩვენი ბერძნულ-რომაული და თავისუფალი სტილით მოჭიდავე ვაჟებიც გამოდიან.

პირველი დღის შემდეგ ჩვენს გაერთიანებულ გუნდს რამდენიმე მედლის მოპოვების შანსი აქვს. მათ შორის - ორი ოქროსი, რადგან თითოელი ნაკრებიდან თითო კაცია ფინალში: "თავისუფლებიდან" - ირაკლი მწითური (92), ბერძენ-რომაელებიდან - თორნიკე ძამაშვილი (82).

მწითური თურქ სერდარ ბოკესა და სხვა მეტოქეებთან გამარჯვების შემდეგ ფინალში რუსთა მრისხანე მეტოქეს, ოლიმპიურ, მსოფლიოსა და ევროპის ჩემპიონა აბდულრაშიდ სადულაევს შეხვდება. ძამაშვილმა ნახევარფინალში თურქთა მსოფლიოს ფინალისტი ასლან ატემი დაამარცხა, ფინალში კი პოლონელი ედგარ ბაბაიანის ძლევასაც შეეცდება.

ნახევრაფინალში დამარცხდნენ და პირდაპირ ბრინჯაოს მედლისთვის იბრძოლებს სამი ჩვენებური: ბერძენ-რომაელთაგან - რამაზ ზოიძე (72), "თავისუფალთაგან" კი - ოთარ გოგავა (61) და ჯაბა ყველაშვილი (79).

დამამშვიდებელ წრეში აგრძელებენ ბრძოლას ანუ ბრინჯაოს მედლის მოპოვების შანსს ინარჩუნებენ აგრეთვე "თავისუფალი" ნაკრების სამი წევრი: გიორგი სულავა (70), ნიკა კენჭაძე და იაკობ მაქარაშვილი (ორივე - 74).

ფინალური ბლოკი და დამამშვიდებელი წრის შეხვედრები დღეს გაიმართება.

1107
მკითხველის კომენტარები / 1 /
სოსო
0
პოლონელი ედგარ ბაბაიანი....არადა რომ შეხედავ, სომეხი გეგონება.
მსგავსი ამბები
რუბრიკის სხვა სიახლეები
;