ორი ქართული ლელო რუსეთში

რუსეთის სარაგბო პრემიერლიგაში მორიგი ტურის მატჩები გაიმართა.

კრასნოიარსკის "ენისეიმ" საკუთარ მოედანზე ნოვოკუზნეცკის "მეტალურგი" 64:10 დაამარცხა. შეხვედრის 32-ე წუთზე დავით კაჭარავამ სტუმრებს ლელო გაუტანა.

ლელოთი გამოიჩინა თავი კიდევ ერთმა ქართველმა მორაგბემ გიორგი ფრუიძემ. ეს მოხდა "კრასნი იარისა" და კრასნოდარის "ყუბანის" შეხვედრაში. ფრუიძემ "ყუბანს" პირველი ტაიმის ბოლო წუთზე გაუტანა, ლაშა მალაღურაძემ კი ორი გარდასახვის გატანა მოახერხა. საბოლოოდ, "კრასნი იარმა" კრასნოდარელებს 32:10 მოუგო.

რუსეთის სარაგბო პრემიერლიგას "ენისეი" ლიდერობს. კაჭარავასა და მიხეილ გაჩეჩილაძის გუნდს 36 ქულა აქვს. მეორე ადგილზე მალაღურაძისა და ფრუიძის "კრასნი იარია", რომელსაც 30 ქულა და ერთი მატჩით ნაკლები აქვს ჩატარებული.

ყოველდღიური სპორტული გაზეთი "ლელო"
604
მკითხველის კომენტარები / 0 /
მსგავსი ამბები
რუბრიკის სხვა სიახლეები