ოფიციალურად: დე როსი რომადან მიდის

დანიელე დე როსი სეზონის დასრულებისთანავე დატოვებს "რომას". ინფორმაციას რომაული კლუბის ოფიციალური ვებგვერდიც ადასტურებს. "რომა" მას კონტრაქტს არ უგრძელებს. 35 წლის ვეტერანი ამბობს, რომ კარიერის გაგრძელებს აპირებს, ოღონდ, სად ითამაშებს, ჯერჯერობით არ იცის.

მოკლედ, ფრანჩესკო ტოტის შემდეგ "რომას" კიდევ ერთი ლეგენდა ემშვიდობება. სერია A-ს დასკვნითი ტურის (26 მაისი) მატჩი, რომელშიც "რომა" "პარმას" უმასპინძლებს, 35 წლის დე როსისთვის ბოლო იქნება "ჯალოროსის" მაისურით.

დე როსის მთელი კარიერა "რომასთან" არის დაკავშირებული. ის ამ კლუბში 2001 წლიდანაა, ჩაატარა 615 მატჩი და გაიტანა 63 გოლი. "სკუადრა აძურაში" მისი მონაგარი 117 მატჩი და 21 გოლია.

ყოველდღიური სპორტული გაზეთი "ლელო"
499
მკითხველის კომენტარები / 0 /
მსგავსი ამბები
რუბრიკის სხვა სიახლეები
;