ოქრიაშვილი ისეთი ფეხბურთელია, კვიპროსში დიდხანს არ გააჩერებენო...

ახალ სეზონში თორნიკე ოქრიაშვილი უკეთეს კლუბში გადავა. ამას კვიპროსული გამოცემა "პროტატლიმა" ამტკიცებს. გამოცემა წერს, საქართველოს ნაკრებისა და ფამაგუსტის "ანორთოსისის" ქართველი შემტევის ტრანსფერი სეზონის ბოლოს გარდაუვალია, ოღონდ, როდის დადგება ეს "სეზონის ბოლო", ჯერ არავინ იცის.

"არავის გაუკვირდა ის განცხადება, რაც რამდენიმე დღის წინ ოქრიაშვილმა გააკეთა - მას სეზონის ბოლოს მოწინავე ევროპულ ლიგაში გადასვლა სურს. ჩვენ ვსაუბრობთ დიდ ფეხბურთელზე, რომელიც, საუკეთესო ფორმაში მყოფი, უბრალოდ, შეუჩერებელია. მისი ხარისხი და ტექნიკა - ეს არ არის ჩვენი სტადიონებისთვის. ამას კვიპროსში ხედავენ და კარგად ესმით. ყურადღება უნდა გავამახვილოთ იმაზე, რომ 28 წლის ქართველ ფეხბურთელს "ანორთოსისთან" კონტრაქტი აკავშირებს. ამიტომ, თუ ის გუნდს დატოვებს, "ანორთოსისმა" ფინანსური სარგებელი უნდა მიიღოს. და რატომ არ უნდა გააკეთოს ეს კლუბმა? აღორძინების მოტივით, ეს კარგი ფინანსები იქნება", - წერს "პროტატლიმა".

1177
მკითხველის კომენტარები / 0 /
მსგავსი ამბები
რუბრიკის სხვა სიახლეები
;