ტოჩინოშინი: ტკივილი აუტანელი აღარ არის, იმპერატორის თასის მოსაგებად გავდივარ!

გუშინ იაპონიის სუმოს ასოციაციამ ახალი რეიტინგი (ბანძუკე) გამოაქვეყნა. 9-23 სექტემბერს ტოკიოს აკი ბაშოზე ამ რეიტინგით ისარგებლებენ.

ლევან გორგაძე (ტოჩინოშინი) კარიერაში მეორე ბაშოს დაიწყებს ოძეკის (ჩემპიონი) რანგში, მაგრამ ამჯერად, ქართველ სუმოისტს ბაშოს 15 ორთაბრძოლიდან სულ მცირე, 8-ის მოგება მართებს, წინააღმდეგ შემთხვევაში ის ოძეკის ტიტულს დაკარგავს. ძურიოს დივიზიონში მე-12 ნომრამდე დაქვეითდა თეიმურაზ ჯუღელი (გაგამარუ), რომელსაც ელიტიდან გავარდნის საფრთხე ემუქრება.

გუშინვე გაიმართა ოფიციალური ცერემონიალიც, რომლის დროსაც სუმოისტები სიმაღლეში გაზომეს და აწონეს. ტოჩინოშინი 191 სანტიმეტრია სიმაღლეში და 169 კილოს იწონის.

"საზაფხულო ტურნეს დაწყების შემდეგ ძალები აშკარად მოვიკრიბე. ტრავმის გამო ტკივილს ვგრძნობ, თუმცა ის არ არის აუტანელი და იმედია, ვარჯიშით გაქრება. რა თქმა უნდა მიზანი რეიტინგში დაქვეითების თავიდან აცილებაა, თუმცა ბაშოზე იმპერატორის თასის მოსაგებად გავალ", - განაცხადა ტოჩინოშინმა.

ყოველდღიური სპორტული გაზეთი "ლელო"
2135
მკითხველის კომენტარები / 0 /
მსგავსი ამბები
რუბრიკის სხვა სიახლეები
;