პაატა გურასპაული: სანდრო მამუკელაშვილი ნაკრებში ითამაშებს!

ჟურნალისტებთან შეხვედრისას კალათბურთის ფედერაციის პრეზიდენტმა პაატა გურასპაულმა საქართველოს ნაკრების პერსპექტივაზე ისაუბრა. მან დაანონსა, რომ მთავარი მწვრთნელი ილის ზუროსი გოგა ბითაძის დარად გუნდში მიიწვევს სანდრო მამუკელაშვილსა და ლუკა ბულაშვილს.

"შეიძლება დადებითად გადაწყვეტილად ჩავთვალოთ სანდრო მამუკელაშვილის ნაკრებში ჩამოსვლის საკითხიც. იგი ამერიკაშია, კოლეჯების ლიგაში "სეტონ ჰოლის" ღირსებას იცავს. 18 წლისა რომ შესრულდებოდა, მისი საქართველოს ნაკრებში თამაში მხოლოდ ნატურალიზებულის სტატუსით შეგვეძლებოდა, თუმცა ამ საკითხზე ფიბასაც მივმართეთ.

ეს განსაკუთრებული შემთხვევა განიხილეს და სანდრო ნატურალიზებულად აღარ ჩაითვლება. მისი გამოძახება ნაკრების მწვრთნელ ილიას ზუროსს დიდი ხანია, სურს. ამ ზაფხულს ავსტრიასთან და სერბეთთან მატჩებისთვის უხმობს, რის შემდეგაც მამუკელაშვილი სხვა ახალგაზრდებთან ერთად 20-წლამდელთა ევროპის შესარჩევი ტურნირისთვის ბულგარეთში გაემგზავრება.

ნაკრებში უკვე თამაშობს ახალგაზრდა გოგა ბითაძე, რაც შეეხება ლუკა ბულაშვილს, მის შესახებ ნაკრების მთავარ მწვრთნელ ილიას ზუროსს ვესაუბრე და მითხრა, რომ მის გამოძახებასაც აპირებს. ნიჭიერი ახალგაზრდების გუნდთან ინტეგრაციაზე ბერძენი სპეციალისტი საქართველოში ჩამოსვლის შემდეგ საუბრობს და ამ მიმართულებით აქტიურადაც მუშაობს."

871
მკითხველის კომენტარები / 0 /
მსგავსი ამბები
რუბრიკის სხვა სიახლეები