პაატა გურასპაული ფოთსა და ბათუმში

საქართველოს კალათბურთის ფედერაციის პრეზიდენტობის კანდიდატი პაატა გურასპაული 4 დეკემბერს ფოთსა და ბათუმს ესტუმრა.

ფოთში, სამეგრელოს კალათბურთის ფედერაციის პრეზიდენტ, მწვრთნელ როლანდ გარუჩავასთან და სამეგრელოს რეგიონის სხვა წარმომადგენლებთან შეხვედრისას საუბრის ერთ-ერთი მთავარი თემა საკალათბურთო არენა იყო.

ქალაქში ერთადერთი საკალათბურთო დარბაზია, რომელსაც ნამდვილლად სჭირდება სერიოზული მიხედვა, გათბობის სისტემის დამონტაჟებიდან დაწყებული, სახურავის მოწესრიგებით დამთავრებული.

პაატა გურასპაუმა და როლანდ გარუჩავამ ასევე ისაუბრეს ფოთის სასპორტო სკოლის შესახებ. სადღეისოდ გაერთიანებაში სპორტის 13 სახეობაა. პრეზიდენტობის კანდიდატის პროგრამაში კი კალათბურთის ცალკე გამოყოფა და საკალათბურთო სკოლის ჩამოყალიბება ერთ-ერთი პრიორიტეტულია. მისი თქმით, ასე უნდა მოხდეს როგორც ფოთში, ასევე ყველა რაიონში, სადაც კალათბურთი სპორტის სხვა სახებებთანაა გაერთიანებული.

"საინტერესო შეხვედრა იყო. დღეს ფოთში საალათბურთო წრეები რომ ფინქციონირებს სწორედ როლანდ გარუჩავას დამსახურებაა, თუმცა მას ნამდვილად სჭირდება გვერდში დგომა, როგორც ინფრასტრუქტურის გაუმჯობესების, ასევე სხვა, უამრავი კუთხით. ფოთი უნდა იქცეს მნიშვნელოვან ადგილად საქართველოში კალათბურთის განვითარების თვალსაზრისით.

არიან ახალგაზრდა მოთამაშეები ფოთიდან, რომლებიც სხვადასხვა ასაკობრივ ნაკრებებს აძლიერებენ. რეგიონში კალათბურთის განვითარების შემდეგ მათი რიცხვი კიდევ უფრო გაიზრდება, - აღნიშნა პაატა გურასპაულმა.

ფოთის შემდეგ იგი აჭარის საკალათბურთო წრეების წარმომადგენლებს ბათუმში შეხვდა. მან საკუთარი პროგრამის მნიშვნელოვანი მონაკვეთები გააცნო, რის შემდეგაც მსჯელობა კითხვა-პასუხის რეჟიმში გაგრძელდა.

ადგილობრივთა მხრიდან ითქვა, რომ კალათბურთი ბათუმში ნომერ მეორე სახეობაა რაგბის შემდეგ... თუმცა ამას თავად აჭარელები არ დაეთანხმნენ - ერთი დარბაზია, რომელიც მაქსიმალურადაა დატვირთული, 500 ბავშვი ვარჯიშობს, თუმცა სხვა ნორმალური დარბაზებიც რომ იყოს, 5000 მოზარდი კალათბურთელი გვეყოლებოდა, კალათბურთი მეორე კი არა, ნომერ პირველი სახეობააო.

ბათუმში მალე ორდარბაზიანი კომპლექსი დასრულდება და მას მერე კიდევ უფრო მეტი დახმარება იქნება საჭირო კალათბურთის ფედერაციიდან. პაატა გურასპაულმა ყოველმხრივ მხარდაჭერა აღუთქვა.

995
მკითხველის კომენტარები / 0 /
მსგავსი ამბები
რუბრიკის სხვა სიახლეები
;