პაპინაშვილი და მარგველაშვილი ფინალში გავიდნენ [VIDEO]

27 ოქტომბერს არაბთა გაერთიანებული საამიროებით დედაქალაქ აბუ დაბიში ძიუდოისტთა დიდი სლემის პირველი საჯიბრო დღის ბრძოლები დაიწყო. ორი ქართველი ძიუდოისტი ოქროსთვის იბრძოლებს.
ამირან პაპინაშვილი (60 კგ) და ვაჟა მარგველაშვილი (66 კგ) უკვე ფინალში არიან. პაპინაშვილმა 1/2 ფინალში უზბეკი შარაფუდინ ლუტფილაევი დაამარცხა, მეოთხედფინალში კი ბელგიელ ჟორე ვერსტრატენი იპონით დასცა.
მანამდე შთამბეჭდავი იყო პაპინაშვილის გამარჯვება რუს ბესლან მუდრანოვთან, რომელსაც დამატებით დროში ასევე იპონზე გდებით სძლია.
ფინალში ის ესპანელ ფრანსისკო გარიგოსსა და უზბეკ გუსმან კირზიგბაევს შორის გამარჯვებულს დაუპირისპირდება.
რაც შეეხება მარგველაშვილს, ფინალის გზაზე მან ირლანდიელი, რუსი და ბელარუსი ძიუდოისტები დაამარცხა.
სამწუხაროდ, რეპეშაჟში ბელგიელ ჟორე ვერსტრატენთან დამარცხდა და ტურნირს გამოეთიშა ლუხუმ ჩხვიმიანი (60 კგ).
ფინალურ ბლოკის ბრძოლები 17 საათიდან დაიწყება. 

1036
მკითხველის კომენტარები / 0 /
მსგავსი ამბები
რუბრიკის სხვა სიახლეები
;