პარი სენ-ჟერმენს ფული აღარ აქვს და მბაპეს ვეღარ დააკავებს...

საფრანგეთის ჩემპიონს "პარი სენ-ჟერმენს" არ შეუძლია საკუთარ თავს მისცეს უფლება - გააგრძელოს კონტრაქტი თავის ერთ-ერთ ლიდერთან კილიან მბაპესთან. ფრანგი ფეხბურთელის მიმდინარე ხელშეკრულება 2022 წლის ზაფხულამდეა ძალაში და მისი გაგრძელება არ არის ამ მომენტისთვის პსჟ-ის პრიორიტეტი.

გარდა ამისა, გუნდის ხელმძღვანელობას ესმის, რომ მბაპეს დათანხმება ახალ კონტრაქტზე რთული იქნება, რადგან ფეხბურთელს აქტიურად ეპატიჟება მადრიდის "რეალი", თან პარიზელებს, უბრალოდ, ფული არ აქვთ, რომ ახალგაზრდა ვარსკვლავს ნეიმარის დონის ხელფასი შესთავაზონ.

ცნობისთვის, ბრაზილიელი წელიწადში 30 მილიონ ევროს იღებს. მბაპეს ჩემპიონთა ლიგისა და ლიგა 1-ის 10 მატჩში წელს 8 გოლი აქვს გატანილი.

754
მკითხველის კომენტარები / 0 /
მსგავსი ამბები
რუბრიკის სხვა სიახლეები
;