პეპ გვარდიოლა კატალონიის მთავარობაში? მისი ოჯახი უკვე დაბრუნდა სამშობლოში...

არტურ მასი კატალონიაში ავტორიტეტული პოლიტიკოსია. მას უნდა, რომ პეპ გვარდიოლამ მონაწილეობა მიიღოს კატალონიის საპარლამენტო არჩევნებში.

"ჩემს გონებაში არის ერთი კანდიდატი, რომელსაც არ აქვს პოლიტიკური გამოცდილება, მაგრამ აქვს ძალიან დიდი ავტორიტეტი. ეს არის პეპ გვარდიოლა", - განაცხადა მასმა.

საინტერესოა, რომ "ერთად კატალონიისთვის" არის პარტია, რომელიც გვარდიოლას მომავალ ლიდერად ხედავს. ამ პარტიამ, შესაძლოა, უხელმძღვანელოს კატალონიის უმაღლეს ორგანოს, ეგრეთ წოდებულ "ჟენერალიტეტს", რომელიც პარლამენტსა და მთავრობას აერთიანებს.

ბევრი მიიჩნევს, რომ სწორედ კატალონიაში დაბრუნების დიდი სურვილით არ აწერს ხელს გვარდიოლა "მანჩესტერ სიტის" მიერ შეთავაზებულ ახალ და, რა თქმა უნდა, ერთობ სარფიან კონტრაქტზე. საინტერესოა, რომ კატალონიაში უკვე დაბრუნდა გვარდიოლას ოჯახი...

ეგაა, პეპმა უსათუოდ უნდა დაასრულოს სეზონი "სიტიში" და საუკეთესო შემთხვევაში, ის სამშობლოში ივნისში თუ დაბრუნდება...

883
მკითხველის კომენტარები / 0 /
მსგავსი ამბები
რუბრიკის სხვა სიახლეები
;