პეტკოვიჩის ახალი კონტრაქტი... საქართველოზეა დამოკიდებული

 2019 წლის 31 დეკემბერს იწურება ვლადიმირ პეტკოვიჩსა და შვეიცარიის ფეხბურთის კონფედერაციას შორის გაფორმებული კონტრაქტი. ადგილობრივი ფეხბურთის მამებს და თავად პეტკოვიჩსაც სურვილი აქვთ, რომ ეს ხელშეკრულება გაგრძელდეს, მაგრამ... ამისთვის ერთადერთი რამაა საჭირო...

როგორც შვეიცარიული და იტალიური მედია იტყობინება, პეტკოვიჩთან კონტრაქტი გახანგრძლივდება მაშინვე, როგორც კი მისი გუნდი ევროპის ჩემპიონატის ფინალური ეტაპის საგზურს მოიპოვებს.

"ფეხბურთი ყოველდღიურად იცვლება და იცვლება ის მოვლენებიც, რომლიც ხდება ფეხბურთში. ჩვენ ჯერ უნდა მოვიპოვოთ ევროპის ჩემპიონატის საგზური და შემდეგ უნდა ვიფიქროთ იმაზე, თუ როგორ ვითამაშოთ ევროპის ყველაზე მნიშვნელოვან საფეხბურთო ტურნირზე. მე კარგად ვგრძნობ თავს აქ, მომწონს ამ ფეხბურთელებთან მუშაობა და სიამოვნებით დავრჩებოდი, მაგრამ ჯერ მთავარი საქმე გვაქვს გასაკეთებელი", - თქვა პეტკოვიჩმა.

თუ გავითვალისწინებთ იმას, რომ შვეიცარიის ნაკრებს დარჩა მატჩები საქართველოსა და გიბრალტართან, პეტკოვიჩთან ახალი კონტრაქტის გაფორმებას, შეიძლება, ხელი მხოლოდ ქართველმა ფეხბურთელებმა შეუშალონ.

869
მკითხველის კომენტარები / 0 /
მსგავსი ამბები
რუბრიკის სხვა სიახლეები
;