პიონჩანი 2018. აქ ყველაფერია, რითაც ამაყობს კორეა...

13 თებერვალს პროგრამით ჩვენი არც ერთი სპორტსმენი არ გამოდიოდა ოლიმპიურ სარბიელზე. ოლიმპიური პარკის უნახაობა კი არ შეიძლებოდა და სწორედ ამ მომენტით ვისარგებლე.

ოლიმპიური პარკი ზამთრის ოლიმპიური თამაშების ობიექტების შემადგენელი ნაწილია და მეტწილად ფუნქციის მრავალმხრივობიდან გამომდინარე, მნიშვნელოვან როლს ასრულებს, ამაღლებს საერთო შთაბეჭდილებებს. ტრადიციულად, ოლიმპიადაზე სხვადასხვა ქვეყნის წარმომადგენლები აქ ხვდებიან ერთმანეთს.

უნდა ითქვას, რომ კორეელებს დიდი გულმოდგინებით უზრუნიათ აქაურობის გამრავალფეროვნებაზე. ძირითადი დახურული არენები თავმოყრილია სწორედ აქ. ამის გამოა გამუდმებული ხალხმრავლობა პარკის ზონაში.

არ მახსენდება სხვაგან, სხვა ოლიმპიადებზე სპეციალური სალონით ყოფილიყო წარმოდგენილი ყველაფერი, რითაც ამაყობს ხალხი და ქვეყანა, კორეისთვის ეს არის შორეული წარსულიდან მომავალი ტრადიციები თუ თანამედროვე ტექნოლოგიების უმაღლეს დონეზე აღზევება - საუკეთესო ხარისხის პროდუქცია.

განსაკუთრებულ ინტერესს იწვევს აგრეთვე, ოლიმპიურ პარკში დემონსტრირებული "ტოკიო-2020". აქ თავმოყრილი თვალსაჩინოებებით თუ ვიმსჯელებთ, ზაფხულის მომავალი თამაშების მასპინძელი ხმამაღლა აცხადებს, რომ მრავალი ნოვაციით ჩაატარებს 2020 წლის ოლიმპიადას.

მეტს აღარ გავაგრძელებ, რადგან შევეცადე ფოტორეპორტაჟად შემომეთავაზებინა ზოგი რამ, რაც ზამთრის თამაშების ოლიმპიურ პარკში ვნახე.



თენგიზ გაჩეჩილაძე - პიონჩანიდან
ავტორის ფოტოები

ყოველდღიური სპორტული გაზეთი "ლელო"
1102
მკითხველის კომენტარები / 0 /
მსგავსი ამბები
რუბრიკის სხვა სიახლეები
;