პიონჩანი 2018.ქარი ჩადგა, მზემაც გამოანათა, ნინო წიკლაურმა დაიწყო

მოციგავე გიორგი სოღოიანის შემდეგ, როგორც იქნა, მეორე ქართველიც ჩაერთო ზამთრის ოლიმპიურ თამაშებშ.

სამთო-მოთხილამურე ნინო წიკლაურის სტარტი ორჯერ გადაიდო, თუმცა ამჯერად, სამხრეთ კორეაში ქარი ჩადგა და მზემაც გამოანათა, ქალთა გიგანტური სლალომიც შედგა.

ნინო წიკლაური ოფიციალურად გახდა სამგზის ოლიმპიელი. სხვა მხრივ, რით გაგახაროთ? ქართველი მოთხილამურისგან ბევრს არც ველოდით, თუმცა ორი დაშვების ჯამში ლიდერთან 16.91 წამით ჩამორჩენა გამოცდილი სპორტსმენისთვის მეტისმეტი გვგონია. ნინომ ორივე ცდა ჩაამთავრა, რის წყალობითაც ეგრევე აჯობა 23 მოთხილამურეს.

ორი დაშვების ჯამში მან 2:36.93 წუთში დაფარა გიგანტური სლალომის დისტანცია, რაც 46-ე ადგილისთვის გამოდგა საკმარისი. შეჯიბრების ჩამთავრება სულ 58-მა მოთხილამურემ შეძლო. წიკლაური სტარტზე გამთენიისასაც დადგებოდა, ამჯერად სლალომში.

ზუსტად იმავე დროს დაიწყებოდა ფიგურულ ციგურაობაში ვაჟთა მოკლე პროგრამაც, სადაც საქართველოს ნაკრების მედროშე მორის ყვითელაშვილი მონაწილეობს.

ყოველდღიური სპორტული გაზეთი "ლელო"
1123
მკითხველის კომენტარები / 0 /
მსგავსი ამბები
რუბრიკის სხვა სიახლეები
;