პირველად დამოუკიდებელი ქართული ჩოგბურთის ისტორიაში: ნიკოლოზ ბასილაშვილი 23-ე ჩოგანია!

პეკინში ჩინეთის ღია პირველობის მოგების შემდეგ, ნიკოლოზ ბასილაშვილი მსოფლიოს 23-ე ჩოგანია. ფინალში გამარჯვების შემდეგ, მან 500 სარეიტინგო ქულა მოიპოვა და ATP-ის კლასიფიკაციაში 1757 ქულა დაუგროვდა. ამით მან 11 საფეხური მოიგო და 23-ე საფეხურზეა. მეოცე ადგილზე მყოფ მილოშ რაონიჩამდე, ბასილაშვილს მხოლოდ 43 ქულა აკლია.

აღსანიშნავია, რომ ნიკამ პეკინის ტურნირი ზედიზედ 10 სეტის მოგებით დაასრულა. მან პირველ წრეში წააგო საწყისი სეტი ამერიკელ ჯეკ სოკთან, რის შემდეგაც, ორ-ორ სეტში გაუსწორდა ესპანელ ფერნანდო ვერდასკოს, ტუნისელ მალიკ ჟაზირის, ბრიტანელ კაილ ედმუნდსა და არგენტინელ ხუან მარტინ დელ პოტროს.

ჩინეთის პირველობაზე მოგებამ ბასილაშვილს 733 320 დოლარი მოუტანა.

მომდევნო კვირას, ქართველი ჩოგბურთელი ასევე ჩინეთში, შანხაის "მასტერსში" ჩაებმება. მისი პირველი მეტოქე იქნება კანადელი დენის შაპოვალოვი. ამ წყვილში მოგებული მეორე წრეში გერმანელ ალექსანდრ ზვერევს შეხვდება.

1054
მკითხველის კომენტარები / 0 /
მსგავსი ამბები
რუბრიკის სხვა სიახლეები
;