პირველიც და ბოლოც, ანუ ერთადერთი - სამბისტთა ნაკრები შეკრებას ხვალ დაიწყებს

ხვალ საქართველოს სამბისტთა ნაკრები გორში მსოფლიოს ჩემპიონატისთვის მოსამზადებელ შეკრებას დაიწყებს. სამწუხაროდ, მათთვის ეს დასკვნითი ეტაპიცაა და... დასაწყისიც, რადგან პლანეტის პირველობისთვის მოსამზადებელი პირველი და ერთადერთი შეკრებაა!

სამწუხარო რეალობაა, რომ ჩვენს ნაკრებს აქამდე მზადების ასეთი აუცილებელი ეტაპი არ გაუვლია და სპორტსმენები ყოველდღიურ სავარჯიშო რეჟიმში ემზადებოდნენ.

მსოფლიოს ჩემპიონატი 10-12 ნოემბერს სოჭში ჩატარდება. ჩვენი ნაკრებიც ამ შეკრებას 8-ში დაამთავრებს და 9-ში უკვე გაფრინდება რუსეთის შავიზღვისპირეთში.

რაც შეეხება იქ წასაყვან შემადგენლობას, ნაკრების მთავარი მწვრთნელი ჯონდო მუზაშვილი მის გამხელას ჯერ არ ჩქარობს. ვაჟთა გუნდში მას ძირითადი ბირთვი უკვე გარკვეული ჰყავს, კონკურენცია მხოლოდ სამ წონაშია გადასაჭრელი, მაგრამ მუზაშვილი არც ამ წონების დასახელებას ჩქარობს და არც იმათი ვინაობისას, რომლებმაც უკვე გაინაღდეს მსოფლიოზე ჭიდაობა.

მუზაშვილი ასევე არ ამხელს გოგონების ნაკრების შემადგენლობასაც. სამაგიეროდ, გადაწყვეტილია, რომ სოჭში ოთხი მანდილოსანი გვეყოლება, თუმცა არაა გამორიცხული, კიდევ ერთი თავისი ხარჯით წავიდეს. მუზაშვილი ორივე გუნდის შემადგენლობას ათიოდ დღეში გაგვაცნობს.

ყოველდღიური სპორტული გაზეთი "ლელო"

881
მკითხველის კომენტარები / 0 /
მსგავსი ამბები
რუბრიკის სხვა სიახლეები
;