პირველი გათავისუფლება: მწვრთნელს კოლხეთი შეელია

კონსტანტინე გალკინი ფოთის "კოლხეთს" აღარ გაწვრთნის. ინფორმაცია კლუბის პრეს-ატაშემ, გია ეჯიბიამ გაავრცელა. გადაწყვეტილება გალკინის გუნდიდან გათავისუფლების თაობაზე "კოლხეთი 1913"-ის ხელმძღვანელებმა მიიღეს - გენერალურმა დირექტორმა თემურ ბარქაიამ და სპორტულმა დირექტორმა ლევან ჯღარკავამ.

56 წლის რუსი სპეციალისტის ხელმძღვანელობით გუნდმა ეროვნული ლიგის პირველ ორ ტურში სუსტად ითამაშა და ორივე შეხვედრა წააგო - საჩხერეს "ჩიხურასთან" 1:6, ხოლო "საბურთალოსთან" - 1:4. ეჯიბიას განცხადებაში მიზეზად სწორედ გუნდის მიერ ნაჩვენები არადამაკმაყოფილებელი შედეგებია მითითებული.

ეჯიბიას თქმით, "კოლხეთი 1913"-ის ახალი მთავარი მწვრთნელის ვინაობა უახლოეს დღეებში გაირკვევა.

1686
მკითხველის კომენტარები / 0 /
მსგავსი ამბები
რუბრიკის სხვა სიახლეები
;