პირველი „მერცხალი" - „ლოკომოტივმა" ვარჯიში განაახლა

როგორც ცნობილია, საქართველოს პრემიერ-მინისტრმა, გიორგი გახარიამ მთავრობის სხდომაზე განაცხადა, რომ 5 მაისიდან კორონავირუსის პანდემიის გამო დაწესებული შეზღუდვები ნელ-ნელა მოიხსნება.

შესაბამისად, მოლოდინია, რომ საფეხბურთო ღონისძიებებზეც შეზღუდვები შემსუბუქდება. პირველი „მერცხალიც“ გამოჩნდა - ორთვიანი პაუზის შემდეგ, ეროვნული ლიგის გუნდებიდან ვარჯიში პირველად თბილისის „ლოკომოტივმა" განაახლა.

მთავრობისგან ნებართვას საფეხბურთო კლუბები და ფეხბურთის ფედერაციაც ალიან, სრულფასოვანი ვარჯიშები რომ განაახლონ. მანამდ ეკი პირველი „მერცხალი" თბილისის „ლოკომოტივია", სადაც ფეხბურთელებმა ვარჯიშის დაიწყეს.

ფეხბურთელები სოციალური დისტანციის დაცვით,2-3-კაციან ჯგუფებად ივარჯიშეს. საწვრთნელ პროცესს „ლოკომოტივის" იტალიელი ფიზმომზადების მწვრთნელი რიკარდო დე ვივო ხელმძღვანელობდა. პირველი ვარჯიშები ფიზიკური კონდიციების აღდგენას დაეთმო.

ეროვნული ლიგის მიმდინარე გათამაშებას 6 ქულით „ლოკომოტივი" ლიდერობს. მაგრამ ორი ტურის შემდეგ, 11 მარტს, კორონავირუსთან დაკავშირებით განვითარებული მოვლენებიდან გამომდინარე, საქართველოს ფეხბურთის ფედერაციამ მისი ეგიდით მიმდინარე ყველა გათამაშება (ეროვნული ლიგა, ლიგა 2, ლიგა 3, ასაკობრივი გათამაშებები) 1 აპრილამდე შეაჩერა, მერე კი ეს ვადა მთავრობის მორიგი გადაწყვეტილების შესაბამისად შეიცვალა.

იმედია, მთავარობის გადაწყვეტილება არ დააყოვნებს და გუნდები მოედნებს ამლე დაუბრუნდებიან. თემჯრ ქეცბაიას თქმის არ იყოს, მარკეტში 50 კაცის შესვლა გაცილებით საშიშია, ვიდრე მოედანზე ერთმანეთისგან 170 მეტრში მოვარჯიშ ფეხბურთელები.

665
მკითხველის კომენტარები / 0 /
მსგავსი ამბები
რუბრიკის სხვა სიახლეები
;