პოჩეტინო წასვლაზე ალაპარაკდა. ჩემი კარიერის ეს ხუთწლიანი თავი უნდა დავხურო და სახლში წავიდე...

ოთხშაბათს საღამოს მაურისიო პოჩეტინოს "ტოტენჰემს" ურთულესი გამოცდა ელოდება. ლონდონურმა კლუბმა ჩემპიონთა ლიგის საპასუხო ნახევარფინალში "აიაქსთან" შინ წაგებული 0:1 უნდა შემოატრიალოს.

რა თქმა უნდა, ერიკ ტენ ჰაგის გუნდი სერიოზული უპირატესობით ხვდება დღევანდელ თამაშს, მაგრამ ამ ბოლოს დროს ჩემპიონთა ლიგაში იმდენი სასწაული "ქამბექი" ვნახეთ, არც "ტოტენჰემი" იქნება უშანსოდ...

პოჩეტინოს მატჩისწინა კომენტარებში მთავარი იყო ფრაზა, სადაც მან გუნდიდან შესაძლო წასვლაზე ილაპარაკა:

"ჩემპიონთა ლიგის მოგება? ფანტასტიკური იქნება, არა? მაგრამ, შეიძლება, ამ შეთხვევაშიც ვიფიქრო იმაზე, რომ დავხურო "ტოტენჰემში" ჩემი კარიერის 5-წლიანი თავი და სახლში წავიდე".

შემდეგ მას სთხოვეს, დაეკონკრეტებინა ნათქვამი - იხუმრეთ თუ სიმართლეაო? "ეს არ არის ხუმრობა. რატომ? იმიტომ, რომ ჩემპიონთა ლიგის მოგება "ტოტენჰემთან" ერთად, თან ამ სიტუაციაში და ასეთ სეზონში, იმ მასშტაბის მოვლენა იქნება, რომლის შემდეგაც მწვრთნელმა განსხვავებულ მომავალზე უნდა იფიქრო".

ბოლო პერიოდში პოჩეტინო რამდენიმე კლუბს დაუკავშირეს. თუმცა ამ ეტაპისთვის არც ერთი ვარიანტი გამოკვეთილი არ არის იმდენად, რომ განსჯის საგნად ღირდეს. ვნახოთ, დაველოდოთ მოვლენათა განვითარებას...

778
მკითხველის კომენტარები / 1 /
zviads
0
პოჩეტინო ბარსაში!
მსგავსი ამბები
რუბრიკის სხვა სიახლეები
;