პრეზიდენტმა სალომე ზურაბიშვილმა მეორე ევროპულ ოლიმპიადაზე მიმავალი ქართველები მიიღო

16 ივნისის საღამოს მეორე ევროპული თამაშების მონაწილე საქართველოს ოლიმპიური დელეგაცია ქვეყნის პრეზიდენტმა სალომე ზურაბიშვილმა მიიღო ათონელის ქუჩაზე, პრეზიდენტის სასახლეში.

პრეზიდდნტმა ხაზი გაუსვა იმ დიდ როლს, რაც სპორტსმენებს აკისრიათ ქვეყნის ცნობადობის გაზრდაში; რომ ისინი სამშობლოს დესპანები არიან უცხოეთში და წარმატება უსურვა მომავალ ევროპულ თამაშებში. გამოთქვა რწმენა, რომ ჩვენი ათლეტები მინსკშიც წარმატებით გამოვლენ და კიდევ ერთხელ ასახელებენ საქართველოს.

სპორტსმენებისადმი გამოჩენილი ყურადღებისთვის სალომე ზურაბიშვილს მადლობა გადაუხადეს სეოკ-ის პრეზიდენტმა ლერი ხაბელოვმა და სეოკ-ის ვიცე-პრეზიდენტმა, ოლიმპიური გუნდის ყველაზე ტიტულოვანმა წევრმა ნინო სალუქვაძემ. ხაბელოვმა აღნიშნა, თუ რაოდენ ძლიერი შემადგენლობით მიდის ჩვენი დელეგაცია მინსკში, მეორე ევროპულ თამაშებზე; რომ ჩვენთვის მთავარ სახეობებში - ძიუდოში, სამბოში, თავისუფალსა და ბერძნულ-რომაულ ჭიდაობებში ძირითადი შემადგენლობებით მივდივართ. სხვათა შორის ქართული დელეგაციის სიძლიერეს მასპინძელი ბელარუსებიც აქედანვე აღნიშნავენ.

411
მკითხველის კომენტარები / 0 /
მსგავსი ამბები
რუბრიკის სხვა სიახლეები
;