პრემიერლიგაში განგაშის სიგნალი ჩაირთო: ბარსელონა 8 ფეხბურთელს ყიდის...

ევროპაში სატრანსფერო ბაზარი გახურდა. რამდენიმე საყურადღებო გარიგება უკვე შედგა და ბევრიც წინ გველოდება, შეიძლება, ძალზე ხმაურიანი გარიგებებიც. ოთხშაბათს გავრცელდა ინფორმაცია, რომ "ბარსელონა" 8 ფეხბურთელს ყიდის და პრემიერლიგის კლუბებმა, რომლებიც ახალი სეზონის კონტურებს უკვე ხაზავენ, ჯიბეები უნდა მოიქექონ.

"ბარსელონა" კი ყიდის იმისთვის, რომ ახლები იყიდოს, პლუს ამას, გაათავისუფლოს ადგილი გუნდში იმ მოთამაშეებისთვის, რომლებიც უკვე დაბევებულები არიან (მაგალითად, ფრენკი დე იონგი). "კამპ ნოუზე" ელოდებიან ასევე ანტუან გრიზმანსა და მატიის დე ლიგტსაც. გადაყიდთა სიაში კი რამდენიმე ისეთი ფეხბურთელია, პრემიერლიგის გრანდები უარს რომ არ იტყვიან კი არა და, კარგ ფულსაც გადაიხდიან.

ამათგან ყველაზე ფასეული ფეხბურთელი ფილიპე კოუტინიოა. ბრაზილიელმა შემტევმა, რომელიც "ლივერპულისგან" 145 მილიონ ფუნტად იყიდეს, იმედები ვერ გაამართლა. მის პოტენციურ მყიდველებს შორის არიან "მანჩესტერ იუნაიტედი", "ჩელსი" და ბოლოს დროს წინა პლანზე გამოსული პსჟ, რომელიც, შეიძლება, კილიან მბაპეს ან ნეიმარს შეელიოს.

ძალიან მაღალი ალბათობით, "ბარსელონას" დატოვებს ივან რაკიტიჩი, რომელიც ძალიან მოსწონს "მანჩესტერ იუნაიტედის" თავკაც ოლე გუნარ სულშერს. "მარკას" ინფორმაციით, კატალონიური გრანდის დატოვება მოუწევს სამუელ უმტიტის, ანდრე გომესს, ნელსონ სემედუს, დენის სუარესს, მალკომსა და მეკარე იესპერ სილესენს.

1597
მკითხველის კომენტარები / 0 /
მსგავსი ამბები
რუბრიკის სხვა სიახლეები
;