პრემიერლიგა. IX ტური: "სიტი" "იუნაიტედს" გაექცა [VIDEO]

21 ოქტომბერს, ინგლისის პრემიერლიგაში IX ტურის შვიდი შეხვედრა ჩატარდა.

სატურნირო ცხრილის ლიდერმა "მანჩესტერ სიტიმ" სამი უპასუხო გოლი გაუტანა "ბარნლის" და სატურნირო ცხრილში მდევარ "იუნაიტედს" უკვე 5 ქულით დაშორდა. "ეტიჰადზე" გამართულ შეხვედრაში გოლები სერხიო აგუერომ (პენ. 30-ე წუთი), ნიკოლას ოტამენდიმ (73) და ლეროი ზანემ (75) გაიტანეს.

სტუმრად "ჰადერსფილდ თაუნთან" დამარცხდა მეორე მანჩესტერული გუნდი, "იუნაიტედი" - 1:2. მასპინძლები აარონ მუისა (28) და ლორან დეპუატრის (33) გოლებით დაწინაურდნენ, რასაც ჟოზე მოურინიოს შეგირდებმა მხოლოდ ერთი გოლით უპასუხეს. 78-ე წუთზე მარკუს რაშფორდმა საბოლოო ანგარიში დააფიქსირა.

"სტემფორდ ბრიჯზე" სამი ქულა მოიპოვა და წაგებათა ორმატჩიანი სერია შეწყვიტა "ჩელსიმ", რომელმაც "უოტფორდი" ანგარიშით 4:2 დაამარცხა. მასპინძელთა რიგებში თითო გოლით პედრო როდრიგესი (12) და სესარ ასპილიკუეტა (87) გამოირჩნენ, დუბლით კი - მიში ბატშუაი (71, 90). სტუმართა შორის გატანა აბდულაიე დუკურემ (45) და რობერტო პერეირამ (49) შეძლეს.

ინგლისის პრემიერლიგის IX ტური დღეს ორი მატჩით დასრულდება - "ევერტონი" "არსენალს" უმასპინძლებს, "ტოტენჰემი" კი - "ლივერპულს".

ინ­გ­ლისი. პრემიერლიგა. IX ტური
პარასკევი, 20 ოქტომბერი
ვესტ ჰემი-ბრაიტონი 0:3

შაბათი, 21 ოქტომბერი
ჩელსი-უოტფორდი 4:2
ჰადერსფილდი-მანჩესტერ იუნ 2:1
მან. სიტი-ბარნლი 3:0
ნიუკასლი-კრ. პალასი 1:0
სტოკი-ბორნმუთი 1:2
სუონსი-ლესტერი 1:2
საუთჰემპტონი-ვესტ ბრომვიჩი 1:0

კვირა, 22 ოქტომბერი
ევერტონი-არსენალი 16:30
ტოტენჰემი-ლივერპული 19:00

1036
მკითხველის კომენტარები / 0 /
მსგავსი ამბები
რუბრიკის სხვა სიახლეები
;