პრემიერლიგა. VII ტურის მიმოხილვა: ფავორიტებმა თავის გააკეთეს [VIDEO]

ორშაბათს ინგლისური გრანდების დიდი ჯახია „ოლდ ტრაფორდზე“, სადაც „არსენალი“ ჩადის, მანამდე კი პრემიერლიგის სხვა „ბობოლებმა“ კარგად ითამაშეს და მათზე კლასით დაბლა მდგომი გუნდები შემუსრეს...

ტური „ლივერპულით“ დაიწყო და ჩვენც „ლივერპულით“ დავიწყოთ. იურგენ კლოპის გუნდმა კიდევ ერთი თამაში მოიგო. ამჯერად, დაამარცხა „შეფილდ იუნაიტედი“ და უდანაკარგოა. უნდა ითქვას, რომ „ლივერპულს“ მოგება გვარიანად გაუჭირდა და თამაშის დასრულების შემდეგ ეს „კლოპომაც“ აღნიშნა. 

რომ არა სტუმართა მეკარის შეცდომა, „ლივერი“ ძალიან მნიშვნელოვან 2 ქულას დატოვებდა შეფილდში. ისე კი ყველაფერი გადაწყვიტა ჟორჟინიო ვეინალდუმის გვიანმა გოლმა.

„რა თქმა უნდა, ბედნიერი ვარ გამარჯვების გამო, მაგრამ ვერ მოვიტყუები: ბოლომდე კმაყოფილი არ ვარ“, - თქვა თამაშის დასრულების შემდეგ „ლივერპულის“ დამრიგებელმა.

ჟორჟინიოს პენალტითა და ვილიანის გოლით „ჩელსიმ“ შინ „ბრაიტონი“ დაამარცხა. ლონდონელებისთვის განსაკუთრებულად კარგი იყო ის, რომ ამ შეხვედრაში კარის „მშრალად“ შენახვა მოახერხეს. 

„ძალიან ბედნიერი ვარ. ეს ჩვენი პირველი გამარჯვება იყო საშინაო კედლებში. ბიჭებმა კარგად გაართვეს თავი ამოცანებს. სოლიდურად ვითამაშეთ და დამაჯერებლად მოვიგეთ“, - თქვა ნამატჩევს ფრენკ ლემპარდმა.

ტანგი ნდომბელეს გოლით „ტოტენჰემი“ მინიმალური ანგარიშით უგებდა „საუთჰემპტონს“, როცა მინდვრიდან „დეზი“ სერჟ ორიე გააგდეს. ფავორიტებმა მაინც იმარჯვეს. მართალია, ინგსმა ანგარიში გაათანაბრა, მაგრამ გადამწყვეტი აღმოჩნდა ჰარი კეინის გოლი, ვისაც ასისტენტობა კრისტიან ერიქსენმა გაუწია.

„ათი კაცით დავრჩით და ძალიან ბევრი ვიმუშავეთ. სხვანაირად ვერ მოვიგებდით. ბიჭებს ძალიან დიდი ჯაფა დაადგათ. ეს მოგება გუნდური თამაშის შედეგია“, - ასე შეაჯამა თამაში მაურისიო პოჩეტინომ.

„ევერტობმა“ „სიტისთან“ კი იბრძოლა, მაგრამ საბოლოო ჯამში მაინც დამარცხდა. ანგარიში გაბრიელ ჟეზუშმა გახსნა კევინ დე ბრუინის პასით, მერე მასპინძლებმა კი გაათანაბრეს, მაგრამ გადამწყვეტ მომენტში თავისი გაიტანა კლასმა - რიად მაჰრეზისა და რაჰიმ სტერლინგის გოლებით „მანჩესტერ სიტიმ“ მაინც გაიმარჯვა და „ლივერპულთან“ 5-ქულიანი დისტანცია შეინარჩუნა.

კვირას „ლესტერმა“ 5:0 გაანადგურა „ნიუკასლი“ და მესამე ადგილზეა. ბრენდან როჯერსის გუნდი, თავისი ჯეიმი ვარდით, შესანიშნავად გამოიყურება, თუმცა იმის ალბათობა, რომ „მელიებმა“ 3 წლის წინანდელი ჩემპიონობა გაიმეორონ, თითქმის ნულოვანია.

ფაქტები

* „ლივერპულმა“ პრემიერლიგის 7 სასტარტო მატჩი აქამდე მხოლოდ 1990/91 წლების სეზონში მოიგო.

* „ლივერპულმა“ მოიგო პრემიერლიგაში ჩატარებული ბოლო 16 მატჩი.

* „შეფილდთან“ მატჩში ჟორჟინიო ვეინალდუმის გოლი იყო „ლივერპულის“ პირველი დარტყმა კარის ჩარჩოში.

* „ჩელსიმ“ ბოლო 11 შეხვედრაში პირველად შეინახა კარი „მშრალად“.

* ეს იყო „ჩელსის“ პირველი საშინაო გამარჯვება მიმდინარე სეზონში.

* „ტოტენჰემმა“ ბოლო 9 საშინაო შეხვედრიდან 8 მოუგო „საუთჰემპტონს“.

* „ევერტონმა“ ბოლო 13 პრემიერლიგურ შეხვედრაში მხოლოდ ერთხელ მოუგო „სიტის“.

* „სიტიმ“ 27 გოლი შეაგდო შვიდ სასტარტო შეხვედრაში. ასეთი მაჩვენებელი მხოლოდ „ევერტონს“ ჰქონდა. 

შეფილდ იუნ-ლივერპული 0:1
გოლი: 0:1 ვეინალდუმი (70)



ასტონ ვილა-ბარნლი 2:2
გოლები: 1:0 ელ ღაზი (33), 1:1 როდრიგესი (68), 2:1 მაკგინი (79), 2:2 ვუდი (81)

ბორნმუთი-ვესტ ჰემი 2:2
გოლები: 0:1 იარმოლენკო (10), 1:1 ჯ. კინგი (17), 2:1 კ. უილსონი (46), 2:2 კრისუელი (74)

ჩელსი-ბრაიტონი 2:0
გოლები: 1:0 ჟორჟინიო (50-პენ), 2:0 ვილიანი (76)

კრ. პალასი-ნორვიჩი 2:0
გოლები: 1:0 მილოშევიჩი (21-პენ), 2:0 თაუნსენდი (90+2)

ტოტენჰემი-საუთჰემპტონი 2:1
გოლები: 1:0 ნდომბელე (24), 1:1 ინგსი (39), 2:1 კეინი (43)

ვულვზი-უოტფორდი 2:0
გოლები: 1:0 დოჰერტი (18), 2:0 იანმაატი (61-საკ. კარში)

ევერტონი-მანჩესტერ სიტი 1:3
გოლები: 0:1 გაბრიელ ჟეზუში (24), 1:1 კალვერტ-ლიუინი (33), 1:2 მაჰრეზი (71), 1:3 სტერლინგი (84)

ლესტერი-ნიუკასლი 5:0
გოლები: 1:0 რიკარდო პერეირა (16), 2:0 ვარდი (54), 3:0 დამეტი (57-საკ. კარში), 4:0 ვარდი (64), 5:0 ნდიდი (90)
გაძევება: ჰეიდენი (43. ნიუკასლი)

ორშაბათი, 30 სექტემბერი
მანჩესტერ იუნ-არსენალი 23:00

1. ლივერპული 7 7 0 0 18:5 21
2. მანჩესტ. სიტი 7 5 1 1 27:7 16
3. ლესტერი 7 4 2 1 13:5 14
4. ვესტ ჰემი 7 3 3 1 10:9 12
5. ტოტენჰემი 7 3 2 2 14:9 11
6. ჩელსი 7 3 2 2 14:13 11
7. ბორნმუთი 7 3 2 2 13:12 11
8. არსენალი 6 3 2 1 11:10 11
9. კრ. პალასი 7 3 2 2 6:07 11
10. ბარნლი 7 2 3 2 10:9 9
11. მანჩესტ. იუნ 6 2 2 2 8:06 8
12. შეფილდ იუნ 7 2 2 3 7:7 8
13. ვულვზი 7 1 4 2 9:11 7
14. საუთჰემპტ. 7 2 1 4 7:11 7
15. ევერტონი 7 2 1 4 6:12 7
16. ბრაიტონი 7 1 3 3 5:10 6
17. ნორვიჩი 7 2 0 5 9:16 6
18. ასტონ ვილა 7 1 2 4 8:11 5
19. ნიუკასლი 7 1 2 4 4:13 5
20. უოტფორდი 7 0 2 5 4:20 2

ბომბარდირები: 8 - ს. აგუერო (სიტი); 7 - ტ. აბრაჰამი (ჩელსი); 6 - პ. ობამეიანგი (არსენალი), ტ. პუკი (ნორვიჩი), რ. სტერლინგი (სიტი); 5 - ჰ. კეინი (ტოტენჰემი), კ. უილსონი (ბორნმუთი), ჯ. ვარდი (ლესტერი).

მომდევნო ტური
5 ოქტომბერი: ბრაიტონი-ტოტენჰემი, ბარნლი-ევერტონი, ლივერპული-ლესტერი, ნორვიჩი-ასტონ ვილა, უოტფორდი-შეფილდ იუნაიტედი, ვესტ ჰემი-კრისტალ პალასი
6 ოქტომბერი: არსენალი-ბორნმუთი, მანჩესტერ სიტი-ვულვზი, საუთჰემპტონი-ჩელსი, ნიუკასლი-მანჩესტერ იუნაიტედი

ყოველდღიური სპორტული გაზეთი "ლელო"
211
მკითხველის კომენტარები / 0 /
მსგავსი ამბები
რუბრიკის სხვა სიახლეები
;