პრემიერლიგა. XXIV ტურის წინათქმა: ლიდერები აუტსაიდერების წინააღმდეგ

პრემიერლიგის შუა კვირის ტურში ლიდერები პირობით აუტსაიდერებს დაუპირისპირდებიან. ფეხბურთში დღეს წინასწარ ვერაფერს განსაზღვრავ. ვნახოთ, მოახერხებენ თუ არა ფავორიტები ამ სათამაშო დღის უდანაკარგოდ ჩამთავრებას.

ლიდერ „ლივერპულს“ გარკვეული პრობლემები აქვს დაცვაში. იურგენ კლოპის გაწვრთნილი გუნდი შინ ეთამაშება „ლესტერს“. „მელიებმა“ რამდენჯერმე გაამწარეს ლიდერები. ვნახოთ, ამჯერად რა იქნება. ფაქტია, დაძაბული თამაშის მოლოდინი უნდა გვქონდეს.

„მანჩესტერ სიტი“ ნიუკასლში მიდის. აქედანვე შეიძლება იმის ვარაუდი, რომ „ჯორდები“ მეტოქეს ბურთსა და ტერიტორიას დაუთმობენ. ვნახოთ, შეძლებს თუ არა ამ პრივილეგიით სარგებლობას პეპ გვარდიოლას გაწვრთნილი გუნდი. ფაქტია - „სიტი“ უკან ვერ დაიხევს, რადგან საჩემპიონო ბრძოლაშია ჩართული „ლივერპულთან“.

„მანჩესტერ იუნაიტედმა“ ოლე გუნარ სულშერის თავკაცობით ჩატარებული ყველა (8) მატჩი მოიგო. თუ სასწაული არ მოხდა, „წითელმა ეშმაკებმა“ ამჯერადაც უნდა იმარჯვონ. მათი მოწინააღმდეგე „ბარნლია“. კლასში სხვაობა აშკარაა. სტუმრებს „ოლდ ტრაფორდზე“ მხოლოდ სასწაულის იმედი შეიძლება ჰქონდეთ.
„ტოტენჰემს“ რთული შეხვედრა ელოდება „უოტფორდთან“. რა თქმა უნდა, მასპინძლები ფავორიტები არიან, მაგრამ დელე ალის ტრავმა „დეზების“ ქომაგებისთვის კიდევ ერთი უსიამოვნო ამბავია. მოგეხსენებათ, მანამდე „ტოტენჰემის“ მთავარი მეგოლე ჰარი კეინიც დაშავდა.

რამდენიმე ტრავმირებულის მიუხედავად „არსენალმა“ შინ უსათუოდ უნდა შეძლოს „კარდიფის“ ძლევა. ძალები აშკარად არათანაბარია. აი, „ჩელსის“ კი რთული გასვლითი გამოცდა ელის „ბორნმუთთან“. მასპინძლები საშინაო ასპარეზზე კარგად თამაშობენ. განსაკუთრებით შეტევაში.

ფაქტები

* „არსენალმა“ ზედიზედ 3 მატჩი მოუგო „კარდიფს“.

* „ფულჰემისა“ და „ბრაიტონის“ ბოლო 3 დაპირისპირებაში ორივემ გაიტანა მინიმუმ ერთი გოლი მაინც.

* „ჰადერფილდსა“ და „ევერტონს“ შორის ბოლო მატჩი ფრედ დასრულდა.

* „ვულვზსა“ და „ვესტ ჰემს“ შორის ბოლო 2 მატჩში ორივეს არ გაუტანია.

* „მანჩესტერმა“ ზედიზედ 2 თამაში მოუგო „ბარნლის“.

* „მანჩესტერ სიტიმ“ 3 მატჩი მოუგო „ნიუკასლს“.

* „ბორნმუთისა“ და „ჩელსის“ ბოლო 2 შეხვედრაში ორივეს არ გაუტანია.

* „ლივერპულისა“ და „ლესტერის“ ბოლო 3 შეხვედრაში ორივემ გაიტანა.

* „უოტფორდმა“ ბოლო დაპირისპირება მოუგო „ტოტენჰემს“.

სამშაბათი, 29 იანვარი
არსენალი-კარდიფი 23:45
ფულჰემი-ბრაიტონი 23:45
ჰადერსფილდი-ევერტონი 23:45
ვულვზი-ვესტ ჰემი 23:45
მანჩესტერ იუნ-ბარნლი 23:59
ნიუკასლი-მანჩესტერ სიტი 23:59

ოთხშაბათი, 30 იანვარი
ბორნმუთი-ჩელსი 23:45
საუთჰემპტონი-კრ. პალასი 23:45
ლივერპული-ლესტერი 23:59
ტოტენჰემი-უოტფორდი 23:59

თ მ ფ წ ბ ქ
1. ლივერპული 23 19 3 1 54:13 60
2. მანჩესტ. სიტი 23 18 2 3 62:17 56
3. ტოტენჰემი 23 17 0 6 48:23 51
4. ჩელსი 23 14 5 4 40:19 47
5. არსენალი 23 13 5 5 48:32 44
6. მანჩესტ. იუნ 23 13 5 5 46:33 44
7. უოტფორდი 23 9 6 8 32:32 33
8. ვულვზი 23 9 5 9 27:31 32
9. ლესტერი 23 9 4 10 29:29 31
10. ვესტ ჰემი 23 9 4 10 30:34 31
11. ევერტონი 23 8 6 9 34:33 30
12. ბორნმუთი 23 9 3 11 33:42 30
13. ბრაიტონი 23 7 5 11 25:32 26
14. კრ. პალასი 23 6 4 13 23:32 22
15. საუთჰემპტონი 23 5 7 11 25:40 22
16. ბარნლი 23 6 4 13 23:43 22
17. ნიუკასლი 23 5 6 12 19:31 21
18. კარდიფი 23 5 4 14 19:44 19
19. ფულჰემი 23 3 5 15 21:51 14
20. ჰადერსფილდი 23 2 5 16 13:40 11

ბომბარდირები: 16 - მოჰამედ სალაჰი (ლივერპული); 14 - ჰარი კეინი (ტოტენჰემი), პიერ-ემერიკ ობამეიანგი (არსენალი); 10 - ედენ აზარი (ჩელსი), რაჰიმ სტერლინგი (მანჩესტერ სიტი), სერხიო აგუერო (მანჩესტერ სიტი), კალუმ უილსონი (ბორნმუთი).

ყოველდღიური სპორტული გაზეთი "ლელო"
677
მკითხველის კომენტარები / 0 /
მსგავსი ამბები
რუბრიკის სხვა სიახლეები
;