პრემიერლიგა. XXXIV ტურის მიმოხილვა: მოჰამედ ყოვლისშემძლე - საოცარი მატჩი 'ენფილდზე' [VIDEO]

საჩემპიონო რბოლაში დასარჩენად, ტურის ცენტრალურ შეხვედრაში “ლივერპულს” უსათუოდ უნდა მოეგო “ჩელსისთვის”, რომელიც, თავის მხრივ, ოთხეულში მოსახვედრად იბრძვის...

მაგრამ დავიცვათ ქრონოლოგია და ჯერ შაბათის მატჩებზე ვთქვათ...

“მანჩესტერ იუნაიტედმა” პოლ პოგბას ორი 11-მეტრიანის წყალობით საშინაო შეხვედრაში დაამარცხა “ვესტ ჰემი”. ოლე გუნარ სულშერს ხშირად ფორტუნის რჩეულს უწოდებენ და მართალიცაა - “წითელ ეშმაკებს” ამჯერადაც მაგრად გაუმართლათ.

თამაშის დასრულების შემდეგ “ვესტ ჰემის” მთავარი მწვრთნელი მანუელ პელეგრინი აღშფოთებას ვერ მალავდა:

“ჩვენ 3 ქულა უნდა აგვეღო. “მანჩესტერ იუნაიტედთან” გასვლაზე ძალიან კარგად ვითამაშეთ. არ მინდა, მთელი პასუხისმგებლობა ავკიდო მსაჯებს. ისინიც ადამიანები არიან და ძალიან ხშირად უწევთ რთული გადაწყვეტილებების მიღება, მაგრამ არ შეიძლება იმის უთქმელობა, რომ ხუან მატაზე არ იყო პენალტი, ჩვენი მეორე გოლის დროს კი - თამაშგარე. პრემიერლიგაში ვიდეორეფერი რომ იყოს, ჩვენ მოვიგებდით ამ თამაშს”, - თქვა ჩილელმა მწვრთნელმა.

“ჩვენ დღეს გაგვიმართლა. უნდა ვაღიარო, რომ მეტოქემ უკეთესად ითამაშა”, - ეს უკვე “მანჩესტერის” დამრიგებლის სიტყვებია.

“ტოტენჰემმა” 4 უპასუხო გოლი შეაგდო უკვე გავარდნილი “ჰადერსფილდის” კარში. ჰეთ-თრიკი მიითვალა ბრაზილიელმა ლუკას მოურამ. “დეზებმა”, რომ იტყვიან, ცალი ფეხით მოიგეს.

რაჰიმ სტერლინგის დუბლით “მანჩესტერ სიტიმ” გასვლაზე მოუგო “კრისტალ პალასს”. მანჩესტერელები წყნარად იგებდნენ და თითქოს სანერვიულო არაფერი ჰქონდათ, მაგრამ ლუკა მილივოიევიჩის მიერ ზუსტად შესრულებული ჯარიმის შემდეგ ვითარება დაიძაბა.

“სიტიმ” მაინც დაიჭირა მომენტი - მეტოქე კონტრშეტევაზე დაიჭირა და გაბრიელ ჟეზუსმა ლოგიკური წერტილი დასვა.

...და “ლივერპული”-”ჩელსი”. პირველი 45 წუთი შედარებით მშვიდი იყო. ორივე გუნდი ნახევარმომენტებს სჯერდებოდა. მეორე ტაიმი კი ახალდაწყებული იყო, როცა ჯორდან ჰენდერსონის გადაცემის შემდეგ სადიო მანემ თავურით გახსნა ანგარიში.

მერე კი მოხდა ის, რაც ფეხბურთში ძალიან იშვიათად ხდება - ისეთი სილამაზის გოლი, როგორიც მოჰამედ სალაჰმა გაიტანა, უთუოდ უნდა ნახოთ. ეგვიპტელმა ფლანგიდან ცენტრისკენ შეიწია და უზუსტესი დარტყმით ბურთი პირდაპირ “ცხრიანში” შორეულ “დააჭედა”.

ისეთი გოლი იყო, აშკარად საუკეთესოდ რომ უნდა დასახელდეს პრემიერლიგაში. არის ხოლმე გოლები, რომელთა აღწერასაც აზრი არ აქვს - უბრალოდ, ისინი უნდა ნახო.

ერთი სიტყვით, ამ მოგებით “ლივერპული” “მანჩესტერ სიტისთან” საჩემპიონო მარულას აგრძელებს, ოღონდ, ეგ არის, რომ იურგენ კლოპის გუნდს ერთი მატჩით მეტი აქვს გატარებული.

ფაქტები

* ლუკას მოურა გახდა პრემიერლიგაში მოასპარეზე მესამე ბრაზილიელი, ვინც ჰეთ-თრიკის შესრულება მოახერხა.

* “მანჩესტერ სიტიმ” მოიგო ყველა ის 26 მატჩი, რომელშიც რაჰიმ სტერლინგმა ანგარიში გახსნა.

* ლეროი სანემ მიმდინარე სეზონში მე-17 საგოლე პასი გააკეთა და ამ მაჩვენებლით პირველია პრემიერლიგაში.

* 2018 წლის შემდეგ მოჰამედ სალაჰმა პირველად შეაგდო საჯარიმოს გარედან.

* სადიო მანემ მიმდინარე სეზონში 21-ე გოლი გაიტანა. ეს მისი რეკორდია.

* “ენფილდზე” გამართულ ბოლო 6 შეხვედრაში “ლივერპულს” “ჩელსი” არ ჰყავდა დამარცხებული.

ლესტერი-ნიუკასლი 0:1
გოლი: 0:1 პერესი (32)

ტოტენჰემი-ჰადერსფილდი 4:0
გოლები: 1:0 ვანიამა (24), 2:0 ლუკას მოურა (27), 3:0 ლუკას მოურა (87), 4:0 ლუკას მოურა (90+3)

ბრაიტონი-ბორნმუთი 0:5
გოლები: 0:1 გოსლინგი (33), 0:2 ფრეიზერი (55), 0:3 ბრუკსი (74), 0:4 უილსონი (82), 0:5 სტანისლასი (90+2)
გაძევება: ნოკერტი (68. ბრაიტონი)

ბარნლი-კარდიფი 2:0
გოლები: 1:0 ვუდი (31), 2:0 ვუდი (90+2)

ფულჰემი-ევერტონი 2:0
გოლები: 1:0 კერნი (46), 2:0 ბაბელი (69)

საუთჰემპტონი-ვულვზი 3:1
გოლები: 1:0 რედმონდი (2), 1:1 ბოლი (28), 2:1 რედმონდი (30), 3:1 ლონგი (71)

მანჩესტერ იუნ-ვესტ ჰემი 2:1
გოლები: 1:0 პოგბა (19-პენ), 1:1 ფელიპე ანდერსონი (49), 2:1 პოგბა (80-პენ)

კრ. პალასი-მანჩესტერ სიტი 1:3
გოლები: 0:1 სტერლინგი (15), 0:2 სტერლინგი (63), 1:2 მილივოიევიჩი (81), 1:3 გაბრიელ ჟეზუში (90)

ლივერპული-ჩელსი 2:0
გოლები: 1:0 მანე (51), 2:0 სალაჰი (53)



ორშაბათი, 15 აპრილი
უოტფორდი-არსენალი 23:00

თ მ ფ წ ბ ქ
1. ლივერპული 34 26 7 1 77:20 85
2. მანჩესტ. სიტი 33 27 2 4 86:22 83
3. ტოტენჰემი 33 22 1 10 64:34 67
4. ჩელსი 34 20 6 8 57:36 66
5. მანჩესტ. იუნ 33 19 7 7 63:44 64
6. არსენალი 32 19 6 7 65:40 63
7. ლესტერი 34 14 5 15 46:45 47
8. ვულვზი 33 13 8 12 41:42 47
9. ევერტონი 34 13 7 13 46:44 46
10. უოტფორდი 32 13 7 12 47:47 46
11. ვესტ ჰემი 34 12 6 16 42:52 42
12. ბორნმუთი 34 12 5 17 49:61 41
13. კრ. პალასი 34 11 6 17 40:46 39
14. ბარნლი 34 11 6 17 42:60 39
15. ნიუკასლი 34 10 8 16 32:43 38
16. საუთჰემპტ. 33 9 9 15 39:53 36
17. ბრაიტონი 32 9 6 17 32:51 33
18. კარდიფი 33 8 4 21 28:63 28
19. ფულჰემი 34 5 5 24 32:76 20
20. ჰადერსფილ. 34 3 5 26 19:67 14

ბომბარდირები: 19 - აგუერო (მანჩესტერ სიტი), სალაჰი (ლივერპული); 18 - მანე (ლივერპული); 17 - სტერლინგი (მანჩესტერ სიტი), ობამეიანგი (არსენალი), კეინი (ტოტენჰემი); 16 - აზარი (ჩელსი); 15 - ვარდი (ლესტერი).

გამოტოვებული მატჩი

16 აპრილი: ბრაიტონი-კარდიფი

მომდევნო ტური
20 აპრილი: მანჩესტერ სიტი-ტოტენჰემი, ბორნმუთი-ფულჰემი, ჰადერსფილდი-უოტფორდი, ვესტ ჰემი-ლესტერი, ვულვზი-ბრაიტონი, ნიუკასლი-საუთჰემპტონი
21 აპრილი: ევერტონი-მანჩესტერ იუნაიტედი, არსენალი-კრ. პალასი, კარდიფი-ლივერპული
22 აპრილი: ჩელსი-ბარნლი

467
მკითხველის კომენტარები / 0 /
მსგავსი ამბები
რუბრიკის სხვა სიახლეები
;