პრესა 'ბორჯღალოსნებზე'. ოთხი დებიუტანტის თაობაზე

საქართველოს ნაკრების გაფართოებული შემადგენლობა საფრანგეთში საწვრთნელ შეკრებაზე იმყოფება, სადაც 7 ნოემბრამდე დარჩება და იქიდან ფლორენციაში გაემგზავრება.

როგორც უკვე ვწერდით "ბორჯღალოსნების" ახალზელანდიელმა მწვრთნელმა მილტონ ჰეიგმა გუნდში 34 მორაგბეს უხმო, რომელთა შორის ოთხი დებიუტანტია. ესენია: გურამ გოგიჩაშვილი (რასინგი), თედო აბჟანდაძე (აია), ბექა გიგაშვილი (გრენობლი) და გრიგოლ ქერდიყოშვილი (ლელო) სწორედ ამ ოთხეულზე გაამახვილა ყურადღება თავის პუბლიკაციაში სარაგბო ვებპორტალმა ღუგბყPასს-მა. აი, რას წერს ეს გამოცემა.

გურამ გოგიჩაშვილი, შერკინების ბურჯი
"გურამ გოგიჩაშვილმა 20-წლამდე მორაგბეთა მსოფლიოს ჩემპიონატზე გამოიჩინა თავი. ქართველ შერკინების ბურჯს დებიუტი საფრანგეთის ჩემპიონატში ჰქონდა "აჟენის" წინააღმდეგ. მან "რასინგთან" ერთად ჩემპიონთა თასზეც ითამაშა, ის "ალსტერთან" და "ჰლანეჰლისთან" მატჩებში ძირითად შემადგენლობაში იყო. ის "პლანეტრაგბის" სიმბოლურ ნაკრებშიც მოხვდა".

თედო აბჟანდაძე,მგეზავი
"თედო აბჟანდაძე იყო იმ ნაკრების წევრი, რომელმაც ირლანდიელ თანატოლებს 20-წლამდე მორაგბეთა მსოფლიოს ჩემპიონატზე მოუგო. მან მილტონ ჰეიგის ყურადღებაც დაიმსახურა.
ჰეიგმა აბჟანდაძე ასე შეაფასა: "აბჟანდაძეს თავის ასაკთან შედარებით, უდიდესი გამოცდილება აქვს. ის კარგ გადაწყვეტილებებს იღებს, აკონტროლებს სიტუაციას, რაც მისთვის დიდი პლუსია. აბჟანდაძე ქუთაისის "აიას""ღირსებას იცავს და საქართველოს ეროვნულ ჩემპიონატში თამაშობს."

ბექა გიგაშვილი,შერკინების ბურჯი
"ბექა გიგაშვილმა ფრანგულ გრენობლთან კონტრაქტი 2021 წლამდე გაახანგრძლივა. ტრავმის გამო, მას ბევრი გაუცდა და მხოლოდ რამდენიმე მატჩი აქვს საფრანგეთის ჩემპიონატში ჩატარებული."

გრიგოლ ქერდიყოშვილი, მეორე ხაზი
"გრიგოლ ქერდიყოშვილი ამერიკის შეერთებულ შტატებში, "გლენდეილ მერლინსში" თამაშობდა, "გლენდეილ რეპტორსს" კი რეგულარული სეზონის წარმატებით დასრულებაში დაეხმარა. ზაფხულში ის საქართველოში დაბრუნდა და თბილისის "ლელოს" ღირსებას იცავს."

ყოველდღიური სპორტული გაზეთი "ლელო"
1235
მკითხველის კომენტარები / 0 /
მსგავსი ამბები
რუბრიკის სხვა სიახლეები
;