[პრესკონფერენცია] ევროპალიგა. კახა ცხადაძე: სათამაშო გეგმა? ამას ხვალ ნახავთ... მინდა 'საბურთალოს' მივულოცო!..

"ტორპედოსთან" მატჩის წინ პრესკონფერენცია გამართა "ორდაბასის" ქართველმა მწვრთნელმა, საქართველოს ნაკრების ექსთავკაცმა კახა ცხადაძემაც:

"ტორპედოსთან" პირველი მატჩის შემდეგ გუნდმა მეტი დრო აღდგენას და ფსიქოლოგიურ სამზადისს დაუთმო. ყაზახეთის ჩემპიონატის კალენდარი საკმაოდ გადატვირთულია, "ტორპედოსთან" მატჩის შემდეგ სამ დღეში ჩემპიონატის თამაში გველის. ამიტომ, ჩვენთვის ვარჯიშებს ნაკლებად ვატარებთ და შეიძლება ითქვას, ამ თამაშებით ვემზადებით...

რაც შეეხება მომავალ დაპირისპირებას, ამაზე მოკლედ გეტყვით - ვეცდებით შედეგიანი თამაში ვაჩვენოთ. თუმცა უნდა აღვნიშნო, რომ მეტოქე სერიოზულია, ძალიან კარგი მწვრთნელი ჰყავს და გუნდში ახლახან მისული ფეხბურთელებიც საკმაოდ პერსპექტიულები და ამბიციურები არიან...

თუმცა "ტორპედოს" აქვს პრობლემა სწორედ იქიდან გამომდინარე, რომ ეს ფეხბურთელები გუნდში ახალი მისულები არიან და შეთამაშების დონე არ არის ისეთი, როგორსაც ისურვებდნენ...

მინდა ვისარგებლო შემთხვევით და "საბურთალოს" შემდგომ ეტაპზე გასვლა მივულოცო! ვისურვებდი, რომ ახალგაზრდული გუნდისთვის გუშინდელი მატჩის პირველი 10 წუთის ჩაგდება გაკვეთილი ყოფილიყოს...

ხვალინდელი თამაშის გეგმა? ამას უშუალოდ თამაშიდან შეიტყობთ".

1069
მკითხველის კომენტარები / 0 /
მსგავსი ამბები
რუბრიკის სხვა სიახლეები
;