[პრესკონფერენცია] ვლადიმირ ვაისი: შემადგენლობა? ცვლილებები იქნება. სანამ მთავარი მწვრთნელი ვარ, მე ვიღებ გადაწყვეტილებას!..

ვლადიმირ ვაისმა "ავივა სთედიუმზე" პრესკონფერენცია გამართა და ირლანდიასთან მომავალ დაპირისპირებაზე ილაპარაკა. ევრო 2020-ის შესარჩევი ციკლის მეორე ტურში საქართველო "სამყურებთან" შეეცდება, სტარტზე განცდილი მარცხის შემდეგ სატურნირო მდგომარეობა გამოასწოროს.

 - ირლანდიასთან თამაში ჩვენთვის ყოველთვის რთულია და ამაზე გასული წლების სტატისტიკაც მეტყველებს. ვეცდებით, ეს სტატისტიკა გამოვასწოროთ. შვეიცარიასთან ნათამაშებ შემადგენლობას შევცვლით. შვეიცარია ჯგუფის ვაფორიტია.

- ყველა მწვრთნელს აქვს თავისი სიახლეები და მარტინ ო'ნილის დროს გუნდი 3 და 5 მცველით თამაშობდა, მაკარტიმ კი გიბრალტართან  გუნდი სხვაგვარად ათამაშა. ვნახოთ, როგორ იქნება ჩვენთან თამაშში.

- ჯანო ჩამოვიდა და სურდა გუნდის დახმარება.  სამწუხაროდ, ახლა ის ვერ ითამაშებს.

- ჩვენ მშვენიერი შანსი გვექნება, რომ ევროპის ჩემპიონატზე ვითამაშოთ ერთა ლიგიდან, მაგრამ შვეიცარიასთან წაგების შემდეგ ირლანდიასთან მატჩს განსაკუთრებულ მნიშვნელობას ვანიჭებთ. შედეგიდან გამომდინარე, ნაწილობრივ გახდება ცნობილი, გვექნება თუ არა ამ ჯგუფიდან ევრო 2020-ზე გასვლის შანსი.

- ირლანდიასთან ფრთხილად უნდა ვითამაშოთ, განსაკუთრებით - "სტანდარტულებისას". თუმცა, ჯგუფიდან გასვლა თუ გვინდა, აუცილებლად უნდა გავიტანოთ გოლები.

 - ტაბიძე ტრავმირებულია, ნავალოვსკის სათამაშო პრაქტიკა აკლია, მაგრამ გვყავს ხარაბაძეც და ვარჯიშის შემდეგ გადავწყვეტთ, ვინ დავაყნოთ. გადაწყვეტილებას იმის მიხედვით მივიღებთ,  ვინ რიგორ თამაშობს "სტანდარულებზე".

- გადავწყვიტე, დაცვის ცენტრში კაშია და ხოჭოლავა დამეწყვილებინა. სანამ მთავარი მწვრთნელი ვარ, მე ვიღებ გადაწყვეტილებას და ასე იქნება ყოველთვის. მერებაშვილი ემზადება, ტრავმა აღარ აწუხებს და განაცხადში იქნება. ოქრიაშვილი და ნავალოვსკი ჯერ ფორმაში არ არიან, მაგრამ განაცხადში ისინიც იქნებიან.

სერგო კორძაია
დუბლინიდან

ყოველდღიური სპორტული გაზეთი "ლელო"
2485
მკითხველის კომენტარები / 0 /
მსგავსი ამბები
რუბრიკის სხვა სიახლეები
;