პროექტები გრძელდება, საჩხერეში მესამე წრიდან...

როდის იქნება მზად რეგიონებში სტადიონები და ამჟამად მიმდინარე ინფრასტრუქტურული სიახლეები - ეს თემებია, რომელზეც გუშინდელ ფეიბუქპრესკონფერენციაზე ფეხბურთის ფედერაციის გენერალურმა მდივანმა დავით მუჯირმა ილაპარაკა:

"ფოთში მიმდინარეობს საფეხბურ ცენტრის მშენებლობა, სადაც იქნება ორი ხელოვნურსაფარიანი მოედანი თავისი განათებით, ტრიბუნებით, გასახდელებით და შესაბამისი ინფრასტრუქტურით. დაგეგმილია, რომ ეს ცენტრი ზაფხულისთვის გაიხსნება და ფოთს თანამედროვე სტანდარტების შესაბამისი მოედნები ქნება, სადაც ბავშვთა გუნდები და დიდები ივარჯიშებენ. საფეხბურ ცენტრის მშენებლობა დაწყებულია რუხშიც, სადაც საცხოვრებელი კორპუსიც იქნება და სამი სტანდარტული მოედანი, მათ შორის, ერთი - ბუნებრივსაფარიანი. იქაც გათვალისწინებულია ტრიბუნების, განათების და შესაბამისი ინფრასტრუქტურის მოწყობა. მისი დასრულება 2020 წლის ბოლომდე გვსურს, თუ რაიმე შეფერხება არ იქნება, სამეგრელოში ორი თანამედროვე ცენტრი გვქნება, რაც ძალიან სასიხარულო ამბავია", - ამბობს დავით მუჯირი.

მან საჩხერის "ჩიხურას" პრობლემაზეც ილაპარაკა: "ჩიხურა" ეროვნულ ლიგაში ერთადერთი გუნდია, რომელიც თამაშებს საკუთარ ქალაქში ვერ მასპინძლობს. თუმცა იქ პირველი სამუშაოები დასრულებულია და მოედნის დაგებას ფეხბურთის ფედერაცია უზრუნველყოფს. დაგეგმილია, რომგუნდი საჩხერის განახლებულ ცენტრალურ სტადიონზე მეტოქეებს მესამე წრიდან უმასპინძლებს. საფარის გარდა, ინფრასტრუქტურაც იცვლება იმისთვის, რომ ზაფხულისთვის სტადიონი მზად იყოს".

კომენტარი საქართველოს ფეხბურთის ფედერაციის პრეზიდენტმა ლევან კობიაშვილმაც გააკეთა: "საჩხერის სტადიონის განახლებით მოხერხდება ის, რომ ეროვნული ლიგის ყველა გუნდი საკუთარ ქალაქში ითამაშებს. თუ გავიხსენებთ, რაც წლების წინ ხდებოდა, ამ კუთხით დიდი წინსვლა გვაქვს. საერთოდ, ორივე ეროვნულ ლიგაში ერთადერთი მარტვილის გუნდია, რომელიც ხელოვნურ საფარზე თამაშობს. მაგრამ დარწმუნებული ვარ, ეს პრობლემა მარტვილშიც მოგვარდება - აქ პროგრესი ნამდვილად გვაქვს. მიხარია, რომ ამ კუთხით წარმატებით ვმუშაობთ და სხვადასხვა ქალაქებსა თუ რაიონებში ინფრასტრუქტურულ პროექტებს ვახორციელებთ. თუმცა, სულ მეკითხებიან - პროექტები სხვა ქალაქებში როდის განხორციელდება. შემიძლია ტყიბულის შესახებ გითხრათ - ყველა ქალაქში დიდი სტადიონების მშენებლობას ვერ ვუზრუნველყოფთ, ეს შეუძლებელია. თუმცა სადაც ადგილობრივი ხელისუფლება სტადიონს ააშენებს ან განაახლებს, მზად ვართ, გარკვეულწილად დავეხმაროთ - ბალახის საფარის დაგებით, სადრენაჟო სისტემის შეცვლით და სხვა საკითხებში. ჩვენ გვესმის ეს რამდენად მნიშვნელოვანი საკითხია".

მუჯირმა სფფ-ის ტელეარხის გახსნაზეც ილაპარაკა: "ლიგის თამაშების მაყურებელთა რიცხვი ორ-სამჯერ გაიზარდა. წლევანდელი პირველი ტურის მაჩვენებელი საერთოდ რეკორდული მაჩვენებელი იყო - როგორც ონლაინ-ჩვენებით, ასევე სატელევიზიო ეთერით. "სილქ უნივერსალის" სახით ახალი პარტნიორი გვყავს, რომელიც ტურის მინიმუმ ერთს, ზოგჯერ კი ორ თამაშსაც აჩვენებს. უახლოეს პერიოდში კი, მაყურებლის ინტერესიდან გამომდინარე, ეს თამაშები ჩვენს საკუთარ ტელეეთერშიგადაინაცვლებს. საფეხბურთო ტელევიზია GFFTV-ის საშუალებით, ვგეგმავთ როგორც ეროვნული ლიგის მატჩების ტრანსლირებას, ასევე სხვადასხვა საინტერესო გადაცემებს. საცდელი მაუწყებლობა სატესტო რეჟიმში სანაკრებო პაუზის შემდეგ გვქონდა დაგეგმილი, მაგრამ ბოლო მოვლენებიდან გამომდინარე, ვითარება შეიცვალა. თუმცა ჩემპიონატის განახლებისთანავე, პირველ თუ არა, მეორე ტურში ჩანაფიქრს მაინც განვახორციელებთ. ამ არხზე შემოგთავაზებთ ყველა იმ მატჩს, რომელიც "სილქ უნივერსალზე" არ გავა".

1597
მკითხველის კომენტარები / 0 /
მსგავსი ამბები
რუბრიკის სხვა სიახლეები
;