ჟურნალისტი ბელარუსიდან: მარტო ამ ქალაქში ათასობით ინფიცირებულია, ოფიციალური ინფორმაცია ყალბდება!.. ლუკაშენკო დანებდა? ფეხბურთი ჩერდება...

ბელარუსული გამოცემა "ტრიბუნას" ჟურნალისტი დმიტრი რუტო წერს, რომ ალექსანდრ ლუკაშენკოს სიტყვებს და რჩევებს არავინ სერიოზულად არ იღებს და რომ ბელარუსში კორონავირუსის გავრცელების მხრივ სიტუაცია უარესდება.

"მისი (პრეზიდენტის) სიტყვები ღიმილის მომგვრელია და უმრავლესობა სერიოზულად არ აღიქვამს. ხალხი ხედავს, რა ვითარებაა ევროპაში და საერთოდ მსოფლიოში. ჩვენთანაც იზრდება ინფიცირებულთა რაოდენობა. ოფიციალური სტატისტიკის არავის სჯერა, ყველა უყურებს ინტერნეტს. ამბობენ, რომ მარტო ვიტებსკში ათასამდე დაავადებულია, მაგრამ არ ამბობენ.

ჩვენი ვირუსულოგები გეუბნებიან - ყველაფერს ვაკონტროლებთ, არ ინერვიულოთ!.. სადღაც გავიგე, რომ სადღაც 10 დღეში იქნება პიკი და მერე შემთხვევები შემცირდება. მაგრამ ეს მაინც ჭორს ჰგავს. ახლა ინფიცირებულთა რაოდენობა ყოველდღიურად იზრდება", - წერს ჟურნალისტი.

თუმცა მისი სიტყვები, რომ "პრეზიდენტის მოწოდებებს არავინ სერიოზულად არ აღიქვამს" ძალიან საეჭვოა, რადგან იმავე პრეზიდენტის მოწოდების ("არ შეგაშინოთ კორონავირუსმა - დალიეთ, იმუშავეთ") საპასუხოდ, ბელარუსები სახლებში არ შეყუჟულან. იქ ხალხის ცხოვრებაში თითქმის არაფერი შეცვლილა, თუმცა...

გუშინ გავრცელდა ინფორმაცია, რომ ბელარუსის საფეხბურთო ასოციაციის გადაწყვეტილებით, ბავშვთა და ჭაბუკთა ფეხბურთის ტურნირები ჩერდება. საინტერესოა, რომ ეს გადაწყვეტილება ეფუძნება არა ჯანდაცვის, არამედ, სპორტისა და ტურიზმის სამინისტროს რეკომენდაციას.

ერთი შეხედვით, მნიშვნელობა არ აქვს, ვინ გასცემს რეკომენდაციას, ფაქტი ის არის, რომ ბელარუსშიც იღებენ ზომებს და არ არის გამორიცხული, დიდი ფეხბურთიც გაჩერდეს - ბელარუსის ჩემპიონატი ხომ ერთადერთია ევროპაში, სადაც ტურნირი მიმდინარეობს.

რა თქმა უნდა, ჩვენ გვაღელვებს იმ 3 ქართველის ბედიც, რომელიც ამ ქვეყანაში თამაშობს - გიორგი ქანთარია ("ნემანი"), გეგა დიასამიძე და ლაშა შინდაგორიძე (ორივე - "შახტიორი"). 3-5 აპრილს ბელარუსის ჩემპიონატის მე-3 ტურის მატჩებია დაგეგმილი...

5789
მკითხველის კომენტარები / 1 /
საბაა
6
ნუ ავრცელებთ ამ ცრუ ინფორმაციებს!
მსგავსი ამბები
რუბრიკის სხვა სიახლეები
;