რაგბის All Stars: დასავლეთ-აღმოსავლეთის პირველი ჯახი ამერმა მოიგო

ქართული რაგბის ისტორიაში დასავლეთისა (იმერი) აღმოსავლეთის (ამერი) ნაკრებების პირველი დაპირისპირება, რომელიც დღეს "აია არენაზე" გაიმართა, "ამერის" გამარჯვებით 21:12 დასრულდა.

აღმოსავლელები, რომელთაც თბილისის "ლოკომოტივის" მთავარი მწვრთნელი თემურ ბენდიაშვილი ხელმძღვანელობდა, პირველ ტაიმში არმაზელი კობა ჯიმშელეიშვილის, ლოკომოტიველი ვანო ამირანაშვილის ლელოებითა და რამაზ ხარაზიშვილის (ლოკომოტივი) გარდასახვებით 14:0 იგებდა.

იმერმა მეორე ტაიმი კარგად დაიწყო, ჯერ ნიკა წივწივაძემ (აია) დაალელოვა მეტოქე, "ბათუმის" ფულბეკმა ბახვა კობახიძემ გარდასახა ზუსტად დაარტყა. შემდეგ კი ვანო ფუტკარაძემ დაამიწა ბურთი მეტოქის ჩათვლის მოედანში და ანგარიში შეამცირა – 12:14. ამის შემდეგ ინიციატივა კვლავ სტუმათა მხარეს გადავიდა. 70–ე წუთზე გიორგი ხუროშვილმა დასავლელები კიდევ ერთხელ დაალელოვა. გარდასახვა რამაზ ხარაზიშვილმა გამოიყენა და საბოლოო ანგარიში დააფიქსირა –12:21

გამარჯვებულ "ამერს" გარდამავალი თასი იმერეთის ვიცე-გუბერნატორმა იოსებ ხახალეიშვილმა გადასცა.

ამერ-იმერის მომდევნო დაპირისპირება ერთ წელიწადში 2019 წლის 26 მაისს თბილისში გაიმართება.

გოგიტა ბუხაიძისა და დავით კოხრეიძის ფოტოები

1021
მკითხველის კომენტარები / 0 /
მსგავსი ამბები
რუბრიკის სხვა სიახლეები
;