რაგბის მსოფლიოს თასი 2023 საფრანგეთში გაიმართება

რაგბიში მსოფლიოს თასი 2023 საფრანგეთში გაიმართება. პლანეტის უდიდესი სარაგბო ფორუმის გამართვის ადგილზე გადაწყვეტილება დღეს, 15 ნოემბერს, World Rugby-ის საბჭოს სხდომაზე მიიღეს.

აღსანიშნავია, რომ ოქტომბრის ბოლოს მსოფლიოს თასის ექსპერტთა ჯგუფმა უმაღლესი შეფასება კანდიდატთა შორის სამხრეთ აფრიკას მისცა და ტურნირის ამ ქვეყანაში გამართვის რეკომენდაციაც დადო. საფრანგეთმა რეიტინგში მეორე ადგილი დაიკავა. მესამე კანდიდატი ირლანდია იყო.

სხვათა შორის, აქამდე ტურნირის მასპინძლობის უფლებას ის ქვეყანა იღებდა, რომელსაც უპირატესობას ექსპერტები ანიჭებდნენ.

მსოფლიოს თასი საფრანგეთში ერთხელ უკვე ჩატარდა - 2007 წელს და გამარჯვებული მაშინ სამხრეთ აფრიკის ეროვნული გუნდი გახდა.

1091
მკითხველის კომენტარები / 0 /
მსგავსი ამბები
რუბრიკის სხვა სიახლეები
;