რაგბი, ევროთასები. ბათუმი ევროპას დაემშვიდობა

საქართველოს ვიცე-ჩემპიონი "ბათუმი" "კონტინენტის ფარის" პლეი ოფის განმეორებით მატჩში, რომელიც რუმინეთის ქალაქ კლუჟში გაიმართა, ამ ქვეყნის ჩემპიონთან, "ტიმიშოარასთან" 12:21 დამარცხდა და გათამაშებას გამოეთიშა.

რუმინელებმა თამაში თავიდანვე აქტიურად დაიწყეს და ნაკრების გარემარბმა მადალინ ლემნარუმ მე-7 წუთზე სტუმრებს ლელო გაუტანა, რომელიც მასპინძლებმა ვერ გარდასახეს. თუმცა, ტევიტა მანუმუამ 27-ე წუთზე საჯარიმო მაინც გაიტანა და "ტიმიშოარა" 8:0 დაწინაურდა.

"ბათუმმა" მხოლოდ ამის მერე გამოიღო ხელი და 35-ე წუთზე შერკინების კვაჭმა, ბექა მამრიკიშვილმა მასპინძლებს ლელო გაუტანა, რომელიც ბახვა კობახიძემ ვერ გარდასახა.

სამი წუთი არ იყო გასული, როცა რუმინეთის ნაკრების კიდევ ერთმა წევრმა, მეორეხაზელმა ვალენტინ პოპირლანმა ლელოთი გვიპასუხა. მანუმუამ ესეც ვერ გარდასახა - 13:5.

შესვენების შემდეგ "ბათუმი გააქტიურდა. 48-ე წუთზე ჩვენი გუნდის მეორეხაზელმა სანდრო ქოიავამ გამოიჩინა თავი. მის მიერ გატანილი ლელო კობახიძემ გარდასახა და ანგარიშში სხვაობა მინიმუმამდე შემცირდა - 12:13.

თითქოს, იმედი გაჩნდა, რომ მატჩის მოგება და პლეი ოფის დაძლევაც შესაძლებელი იყო. თუმცა "ტიმიშოარას" კაპიტანმა მარიან დრენჩეანუმ 58-ე წუთზე ლელო გაიტანა, რასაც მალე შეცვლაზე შესულმა გაბრიელ კონაკემ საჯარიმოც მიაყოლა და ყველანაირი იმედი გადაგვიწურა - 21:12.
ტიმიშოარა-ბათუმი 21:12

ტიმიშოარა: 15. კატალინ ფერკუ, 14. მადალინ ლემნარუ, 13. ტევიტა მანუმუა, 12. ჯეკ უმაგა, 11. სტივენ შენანი, 10. ჯოდი როსი, 9. რატუ სენიოლი;1. იონელ ბადიუ, 2. ანდრე რადოი, 3. ჰორაციო პუნგეა, 4. ვალენტინ პოპარლანი, 5. მარიან დრენჩეანუ, 6. რენდალ მორისონი, 7. ვასილი რუსი, 8. მაიკლ სტიუარტი

სათ: 16. მარიან საბაუ, 17. კრის აპოუა, 18. მესაკე დოგე, 19. იონუც მურეშანი, 20. ჯეიმს დოილი, 21. კევინ ლუიტერსი, 22. მარიუს სიმონსეკუ, 23. გაბრიელ კონაკე

3 ლ: ლემნარუ, პოპარლანი, დრენჩეანუ. 2 ს: მანუმუა, კონაკე.

ბათუმი: 15. ბახვა კობახიძე, 14. ნიკა ნინიძე, 13. დავით ტრაპაიძე, 12. გიორგი გოგიტიძე, 11. ალექსანდრე ტუჩაშვილი, 10. ლაშა ხმალაძე, 9. ზურაბ თუთბერიძე; 1. ზურაბ ერისთავი, 2. ბექა მამრიკიშვილი, 3. ტარიელ დონაძე, 4. არჩილ ალიქაძე, 5. სანდრო ქოიავა, 6. ვანო ფუტკარაძე, 7. გიორგი თხილაიშვილი, 8. ხვიჩა ბუჯიაშვილი;

სათ: 16. გიორგი თედორაძე, 17. ირაკლი კვანტიძე, 18. შოთა გოგისვანიძე, 19. ამირან მიქაძე, 20. ჯონდი კორტავა, 21. დურმიშხან ჯაბნიძე, 22. მანუჩარ გრიგოლია, 23. ნუკრი ფერსელიძე.

2 ლ: გოგიტიძე, ქოიავა. გ: კობახიძე.

ყოველდღიური სპორტული გაზეთი "ლელო"
961
მკითხველის კომენტარები / 0 /
მსგავსი ამბები
რუბრიკის სხვა სიახლეები
;