რაგბი: ბექა გორგაძე ბორდოში

საქართველოს ნაკრებისა და "მონ დე მარსანის" მესამეხაზელი ბექა გორგაძე მომავალი სეზონიდან ელიტური, პირველი დივიზიონის "ბორდოში" ითამაშებს. მან გუნდთან უკვე გააფორმა წინასწარი ხელშეკრულება 2+1 პრინციპით.

შეგახსენებთ, რომ ბექა გორგაძე შარშან ინგლისში გამართულ მსოფლიოს ახალგაზრდულ ჩემპიონატზე საქართველოს ნაკრების კაპიტანი და ერთ-ერთი გამორჩეული მოთამაშე იყო. ეროვნულ ნაკრებშიც მილტონ ჰეიგი მას თითქმის თვალდახუჭული ენდობოდა.

სამწუხაროდ, წლეულს მაისში, საფრანგეთის ჩემპიონატის ელიტური, მეორე დივიზიონის გათამაშების ბოლო ტურში მან ტრავმა მიიღო. საოპერაციო შეიქნა და რეაბილიტაციის კურსს დღემდე გადის.

აღსანიშნავია, რომ "ბორდოს" გარდა, ბექას ორი ფრანგული "მონსტრი" "კლერმონი" და "მონპელიეც" ეპატიჟებოდა, მაგრამ ვინაიდან, სავარაუდოდ, "ბორდოში" მეტი სათამაშო დრო ექნება, გორგაძემაც ეს გუნდი არჩია.

აქვე იმასაც გეტყვით, რომ "ბორდო" საფრანგეთის ჩემპიონატში 12 ტურის შემდეგ 29 ქულით მე-9 ადგილზეა და პლეი ოფში მოხვედრის შანსს ჯერ კიდევ ინარჩუნებს.

ყოველდღიური სპორტული გაზეთი "ლელო"
1304
მკითხველის კომენტარები / 0 /
მსგავსი ამბები
რუბრიკის სხვა სიახლეები