რაგბი: ბექა კაკაბაძე კლერმონში 2021 წლამდე

შერკინების ქართველმა ბურჯმა ბექა კაკაბაძემ საფრანგეთის ჩემპიონ "კლერმონთან" ახალი, 3-წლიანი კონტრაქტი გააფორმა.

"ყოველთვის, როცა შანსი მივეცით, დაამტკიცა, რომ მისი ნდობა შეიძლება. ეს კონტრაქტი ჩვენი სასწავლო ცენტრის მაღალი დონის დადასტურებაა. ჩვენთვის მნიშვნელოვანია, რომ გუნდის სიძლიერე ჩვენივე აღზრდილი მორაგბეების საშუალებით შევინარჩუნოთ" - თქვა "ვულკანების" მთავარმა მწვრთნელმა ფრენკ აზემამ.

ბექა კაკაბაძეს საქართველოს 18 და 20-წლამდელთა ნაკრებებში უთამაშია. ის საფრანგეთის სათადარიგო გუნდების გათამაშების გამარჯვებულია. ძირითად გუნდში დებიუტი მიმდინარე სეზონში, ქონდა და 6 მატჩში ითამაშა. ქართველ ბურჯს ახალი კონტრაქტი 2021 წლის ივნისში დაუმთავრდება.

შეგახსენებთ, რომ კაკაბაძის გარდა "კლერმონის" ღირსებას იცავენ დავით ზირაქაშვილი, ვიქტორ კოლელიშვილი და ოთარ გიორგაძე. კოლელიშვილი და გიორგაძე საქართველოს ეროვნული ნაკრების წევრები არიან, ზირაქაშვილმა სანაკრებო კარიერა დაასრულა. გამორიცხული არ არის "ბორჯღალოსანთა" შორის მალე ბექა კაკაბაძეც ვიხილოთ.

ყოველდღიური სპორტული გაზეთი "ლელო"
1704
მკითხველის კომენტარები / 0 /
მსგავსი ამბები
რუბრიკის სხვა სიახლეები
;