რაგბი. გერმანია ბურთიანად შევიტანეთ - 64:0!

საქართველოს მორაგბეთა ნაკრებმა რაგბი ევროპის ჩემპიონატზე წლეულს მეორე მატჩი გამართა. ამჯერად ჩვენი გუნდის მეტოქე გერმანია იყო. შეხვედრა ოფენბახში გაიმართა და სტუმართა დიდი უპირატესობით წარიმართა. საბოლოოდ 64:0.

თუმცა საკითხავი ის იყო, რომელი გუნდი გახლდათ მასპინძელი. გერმანელებს ფორმალურ მასპინძლებს თუ ვუწოდებთ, რადგან ქართველი გულშემატკივრები ადგილობრივებს აშკარად სჭარბობდნენ.

ჩვენი ნაკრების მორაგბეებმაც იმედი არ გაუცრუეს საქომაგოდ შეეკრებილ თავისიანებს და ლამაზი რაგბი უჩვენეს.

მიუხედავად იმისა, რომ შერკინებაში მტოქეს ისე ვჯაბნიდით, როგორც პროფესიონალები ბავშვებს, ჩვენი გუნდი მაინც ცდილობდა მრავალმხრივ ეთამაშა, შეტევა გაეშალა. დაცვაში კი... დაცვაზე ვერაფერს ვიტყვით - გერმანელები ხომ, თითქოს მართლაც ბავშვები ყოფილიყვნენ, მორიდებით გვიტევდნენ.

ასე და ამგვარად, ბორჯღალოსნებმა წლეულს მეორე მატჩიც დამაჯერებლად მოიგეს და ბელგია-გერმანიასთან საერთო ბურთების შეფარდებაა - 111:0!

მომდევნო მატჩი 3 მარტს თბილისში, მიხეილ მესხის სახელობის სტადიონზე ესპანეთის წინააღმდეგ გველის.

6212
მკითხველის კომენტარები / 2 /
nugzari
0
ლევანს ვეთანხმები!
levani
2
ახალმა ზელანდიამ რო დაწეროს ქარტველები ბურტიანად შევიტანეტო, გაგეხარდებათ? ანდა აგერ კალათბურთში,გერმანია ბურთიანად რო ჩაგვტენის ფარში?! (ფეხბურთზე არაფერს ვამბობ)!
მსგავსი ამბები
რუბრიკის სხვა სიახლეები
;