რაგბი. დიდი ათი: აიას ამბიცია საფუძვლიანია

საქართველოს ჩემპიონატის მე-12 ტურის ცენტრალურ მატჩში ქუთაისის "აიამ", რომელიც ჩემპიონატს პირველი ტურიდან ლიდერობს, სტუმრად დაამარცხა თბილისის "ლელო" - 25:18. ქუთათურებმა ამ გამარჯვებით დაამტკიცეს, რომ ქვეყნის ჩემპიონობაზე მათი ამბიცია საფუძვლიანია.

"აიამ" მასპინძლებს თამაშის დასაწყისიდანვე აგრესიულად შეუტია და პირველივე წუთზე ლელო მიითვალა. ქუთაისელი მორაგბეების მრავალფაზიანი იერიში შუამარბმა თემურ ირემაძემ დაასრულა. გიორგი ბაბუნაშვილმა ზუსტად გარდასახა - 7:0.

აღსანიშნავია, რომ "აია" რამდენჯერაც გადავიდა მეტოქის მოედნის ნახევარზე, უქულოდ არცერთხელ დაბრუნებულა. "ლელოს" კი, მიუხედავად იმისა, რომ სათამაშო და, შესაბამისად, ტერიტორიულ უპირატესობას ფლობდა, ქულების მოპოვება დიდი ძალისხმევის ფასად უჯდებოდა.

სწორედ ამიტომ იყო, რომ 27-ე წუთისთვის "აია" თხუთმეტი ქულით დაწინაურდა, მაშინ, როცა მასპინძლების მონაგარი ნული იყო. ბაბუნაშვილმა მე-19 წუთზე საჯარიმო გაიტანა, 27-ე წუთზე კი მორიგი ლელო შერკინების კვაჭმა გიორგი ტორაძემ მიითვალა. ბაბუნაშვილმა ვერ გარდასახა - 15:0

"ლელომ" ანგარიშის შემცირება ტაიმის დასრულებამდე ორი წუთით ადრე შეძლო. მასპინძლები დერეფნიდან აგორებული მოლით მეტოქის ლელოში შევიდნენ, მაგრამ ქუთაისელმა მორაგბებმა მისი შეჩერება მხოლოდ თამაშის წესის დარღვევით შეძლეს. არბიტრმა საჯარიმო ლელო ჩათვალა - 7:15.

ბოლო წუთზე ბაბუნაშვილმა არეკნით 40 მეტრიდან ბურთი კარის ძელებს შორის გაატარა - 18:7. ასე დასრულდა მატჩის პირველი ნახევარი.

შესვენების შემდეგ თამაშის სურათი არ შეცვლილა. მეტიც, "ლელო" კიდევ უფრო გააქტიურდა და 46-ე წუთისთვის ანგარიშში სხვაობა სამ ქულამდე შეამცირა. ჯერ ირაკლი ყიასაშვილმა გაიტანა საჯარიმო. მერე კი ლელოელებმა მეტოქე კონტრშეტევაზე დაიჭირეს და ბურთი ჩათვლის მოედანში დემეტრე თაფლაძემ დაამიწა. ყიასაშვილმა ვერ გარდასახა - 15:18.

"ლელოს" თამაშის გადარჩენის შანსი მიეცა. თუმცა, 64-ე წუთზე "აიას" კონტრიერიში გამოეპარა. მასპინძელთა ფულბეკმა ირაკლი ყიასაშვილმა ლელოში შესული მეტოქე თამაშის წესის დარღვევით შეაჩერა და არბიტრმა საჯარიმო ლელო დააფიქსირა - 25:15.

"ლელომ" თამაშის მიწურულს მხოლოდ ერთი საჯარიმო გაიტანა და ერთი საპრემიო ქულა მიითვალა - 18:25.

ლელო-აია 18:25

ლელო (15-9): ყიასაშვილი, შანიძე (სიხარულიძე 69), თოდუა, აბულაშვილი (თაფლაძე 41), ტაბუცაძე, კვირიკაშვილი, ახობაძე (პერანიძე 45); (1-8): ჯულაყიძე, პაპიძე, დუგლაძე (ჯაფარიძე 38), დარძულიძე, ხორბალაძე (ჯღარკავა 59), მამამთავრიშვილი, ბერიაშვილი (ზამთარაძე 64), საღინაძე.
2 ლ: საჯარიმო, თაფლაძე. 2 ს: ყიასაშვილი
სინბინი: ყიასაშვილი

აია (15-9): ძნელაძე, მანაგაძე (ძაგნიძე 51), ლომიძე, ირემაძე, აბრამიძე, ბაბუნაშვილი, როხვაძე (თუთბერიძე 58); (1-8): ჯინჭარაძე (ხარებავა 44), ტორაძე (ერემეიშვილი 41), რატიაშვილი (ჩირგაძე 62), ბაბუნაშვილი, შალამბერიძე, ხანთაძე (გორგასლიძე 51), დანგაძე, მღებრიშვილი (მაჩალაძე 41).
3 ლ: საჯარიმო, ირემაძე, ტორაძე. გ, ს, ა: გ. ბაბუნაშვილი.
სინბინი: შალამბერიძე, აბრამიძე, დანგაძე

აკადემია-ლოკომოტივი 9:17
აკადემია: 3 ს - მოძღვრიშვილი
ლოკომოტივი: 2 ლ - შკინინი, გასვიანი. 2გ, ს - წიკლაური.

ხარები-არმაზი 17:22
ხარები: 3 ლ - ჯიმშიტაშვილი, ქანდაურაშვილი, ქავთარაძე. გ - ბასილაია.
გაძევება: ქანდაურაშვილი
არმაზი: 4 ლ - ბარბაქაძე, სვანიძე, წიკლაური, ლიპარტელიანი. გ - დვალიშვილი.
სინბინი: მინაშვილი

ჯიქი-ბაგრატი 46:3
ჯიქი: 7 ლ - ტრაპაიძე (2), ბიწაძე, ჭყოიძე (3), მჭედლიშვილი. 4 გ - ნინიძე (2), ჯიმშელაძე (2). ს - ნინიძე.
ბაგრატი: ს - თუთბერიძე
სინბინი: ოდიშარია

ბათუმი-არმია 13:7
ბათუმი: 2 ლ - ერისთავი, ნინიძე. ს - ჯაბნიძე.
არმია: ლ - ჭინჭარაული. გ - მახარაშვილი

თ მ ფ წ ბ ქ(პ)
1. აია 12 11 0 1 +167 47(3)
2. ლოკომოტივი 12 10 0 2 +122 46(6)
3. ლელო 12 9 0 3 +104 41(5)
4. ჯიქი 12 7 1 4 +95 38(8)
5. ბათუმი 12 7 1 4 +109 37(7)
6. ხარები 12 5 1 6 -57 24(2)
7. აკადემია 12 3 0 9 -12 20(8)
8. არმაზი 12 3 1 8 -80 19(5)
9. არმია 12 2 0 9 -161 10(2)
10. ბაგრატი 12 1 0 11 -287 5(1)

XIII ტური

16 თებერვალი
აკადემია-ხარები

17 თებერვალი
აია-ბათუმი
ლოკომოტივი-ლელო

18 თებერვალი
ბაგრატი-არმაზი
არმაზი-ჯიქი

ყოველდღიური სპორტული გაზეთი "ლელო"
898
მკითხველის კომენტარები / 0 /
მსგავსი ამბები
რუბრიკის სხვა სიახლეები
;