რაგბი. დიდი ათი. 'ბათუმმა' საქართველოს მრავალგზის ჩემპიონი დაამარცხა და ლიდერობა განიმტკიცა

საქართველოს ჩემპიონატის მე-7 ტურში გასამართავი ერთი მატჩიღა დარჩა. ტურის ცენტრალურ შეხვედრაში კი მასპინძელმა "ბათუმმა" ქვეყნის მრავალგზის ჩემპიონი დაამარცხა და ლიდერობა განიმტკიცა.

ბათუმი-ლოკომოტივი 23:20
ბათუმი: 2ლ - შუბითიძე, ჯაბნიძე. 3ს, 2გ - ნინიძე.
სინბინი: ფერსელიძე
ლოკომოტივი: 3ლ - ძნელაძე (2), კოპაძე. ს, გ - წიკლაური
მსაჯი: სულხან ჩიხლაძე

ჩემპიონატის დასრულებამდე ჯერ კიდევ დიდი გზაა გასავლელი, მაგრამ უკვე თამამად შეიძლება ითქვას, რომ ეს ორი გუნდი, "ბათუმი" და თბილისის "ლოკომოტივი" პირველობის უმთავრესი ფავორიტები არიან. სწორედ ამიტომ იყო ძალზედ საინტერესო მათი პირველი დაპირისპირება მიმდინარე ჩემპიონატში.

პირველი ტაიმი თანაბარ ბრძოლაში წარიმართა. თუმცა შესვენებაზე მასპინძლები ხუთქულიანი უპირატესობით წავიდნენ - 10:5. მეორე ტაიმში თამაში ახალი განახლებული იყო, როცა "ბათუმმა" ანგარიშში სხვაობა 12 ქულამდე გაზარდა - 17:5. ამან რკინიგზელთა გააქტიურება გამოიწვია და 61-ე წუთისთვის ანგარიშის გათანაბრება შეძლო - 20:20. ხუთ წუთში ბათუმელთა დამრტყმელმა მამუკა ნინიძემ საჯარიმო გაიტანა, რომელიც საბოლოოდ გამარჯვების მომტანი აღმოჩნდა. "ბათუმმა" 23:20 მოიგო და ლიდერობა განიმტკიცა.

ჯიქი-აია 20:22
ჯიქი: 3ლ - სუხაშვილი, სუთიძე, ბიწაძე. ს, გ - ფურცხვანიძე.
სიბინი: სუთიძე, საჯაია
აია: 3ლ - მანაგაძე, ლომიძე, კობახიძე. 2გ, ს - ლომიძე.
სინბინი: შალამბერიძე
მსაჯი: თორნიკე გვირჯიშვილი

გორის "ჯიქი" და ქუთაისის "აია" სატურნირო ცხრილში მეზობლები არიან. გორელები გამარჯვების შემთხვევაში მეტოქეს უკან ჩამოიტოვებდნენ. ამასთან ახლოს იყო კიდეც, მაგრამ ქუთათურებმა პატარა სასწაული ჩაიდინეს და მათთვის უმნიშვნელოვანესი მატჩი მოიგეს. აღსანიშნავია, რომ 44-ე წუთისთვის "ჯიქი" 20:5 იგებდა. "აიამ" იმდენი მოახერხა, რომ 69-ე წუთზე ანგარიშში სხვაობა მინიმუმამდე დაიყვანა - 19:20. თამაშის დასრულებამდე ორი წუთით ადრე კი ლაშა ლომიძემ საჯარიმო დარტყმით ქუთათურებს გამარჯვება მოუტანა.

VII ტური
27 ოქტომბერი
აკადემია-ვეფხვები 15:30

თ მ ფ წ ბ ქ(ს)

1. ბათუმი 7 6 0 1 +101 28(4)
2. ლოკომოტივი 7 5 0 2 +67 24(4)
3. ხარები 7 5 0 2 +46 23(3)
4. არმაზი 7 4 0 3 +95 22(5)
5. ლელო 7 5 0 2 +32 22(2)
6. აია 7 4 0 3 +13 18(2)
7. ჯიქი 7 2 0 5 -39 12(4)
8. ვეფხვები 6 1 0 5 -90 6(2)
9. აკადემია 6 1 0 5 -102 6(2)
10. არმია 7 1 0 6 -123 5(1)

ყოველდღიური სპორტული გაზეთი "ლელო"
242
მკითხველის კომენტარები / 0 /
მსგავსი ამბები
რუბრიკის სხვა სიახლეები